Main Menu

દરિયાકાંઠે ભૂમાફીયાઓ અને ખનીજ માફીયાઓ બેખૌફ

માટી, રેતી, પથ્‍થરની ખુલ્‍લેઆમ લૂંટ થઈ રહી છે
દરિયાકાંઠે ભૂમાફીયાઓ અને ખનીજ માફીયાઓ બેખૌફ
નેશનલ હાઈવે બનાવવામાં પણ મનફાવે તે રીતે માટીની લૂંટ કરવામાં આવી રહી છે
અમરેલી, તા. ર9
અમરેલી જિલ્‍લાનાં રાજુલા પંથકમાં ઔદ્યોગિક વિકાસ થઈ રહૃાો હોય તેની સાથે માફીયાઓનો પણ વિકાસ થઈ રહૃાો હોય આ પ્રકારનો વિરોધાભાસ ચિંતા ઉપજાવે તેવો છે.
રાજુલા-જાફરાબાદ પંથકમાં ભૂમાફીયાઓ અને ખનીજ માફીયાઓને બેઈમાની કરવામાં કોઈનો ડર જ રહૃાો નથી. કોઈ એકલ-દોકલ અધિારી માથુ ઉંચકે તો તુરત જશામ, દામ, દંડ અને ભેદની રીતરસમ અપનાવીને તેને દબાવી દેવામાં         આવે છે.
નેશનલ હાઈવે બનાવવામાં જયાં ત્‍યાંથી માટીની લૂંટ ચલાવવામાં આવી રહી છે. રેતી, માટી, પથ્‍થર મનફાવે ત્‍યાંથી ઉપાડી લઈને પર્યાવરણની ઘોર ખોદવામાં આવી રહી હોય છતાં પણ જવાબદાર વિભાગ કશી જ કાર્યવાહી કરે નહીં આનાથી વધુ કરૂણાજનક બાબત શું કહી શકાય.
રાજુલા-જાફરાબાદ પંથકમાં ગેરકાયદેસર રીતે ભરડીયાનો પણ ધમધમાટ જોવા મળી રહૃાો છે. રાજુલા શહેરમાં પણ ભરડીયો કોઈ પણ મંજુરી વગર ચાલી રહૃાાનું ચર્ચાઈ       રહૃાું છે.
અમરેલી જિલ્‍લામાં આજે પોલીસ અધિક્ષક નિર્લિપ્‍ત રાયની કામગીરીની જનતા જનાર્દનમાં ભારે પ્રશંસા થઈ રહી છે. જેમાંથી અન્‍ય વિભાગનાં ઉચ્‍ચ અધિકારીઓએ પ્રેરણા લેવાની જરૂર છે.