Main Menu

સાવરકુંડલામાં શાકમાર્કેટ બનાવવાનો ખર્ચ પાણીમાં ગયો

13 વર્ષ પહેલા બનેલ શાકમાર્કેટ કાર્યરત કરાતી નથી
સાવરકુંડલામાં શાકમાર્કેટ બનાવવાનો ખર્ચ પાણીમાં ગયો
જનતા જનાર્દનનાં પરસેવાનાં પૈસાથી તૈયાર કરવામાં આવેલ માર્કેટ શોભાનાં ગાંઠીયા સમાન
એક માર્કેટ સાવરમાં અને બીજી માર્કેટ કુંડલામાં બનીને તૈયાર થયા બાદ કાર્યરત કરવામાં આવી નથી
સાવરકુંડલા, તા. ર8
સાવરકુંડલા બે વિભાગમાં વહેંચાયું છે. એક તરફ સાવર અને એક તરફ કુંડલા. સાવરકુંડલા વચ્‍ચે નાવલી નદી નીકળતી હોવાથી ગામ બે ભાગમાં વહેંચાયું છે. જયારે ગામની વચ્‍ચે ચોમાસામાં વહેતી નાવલી નદીનાં પટ્ટમાં વર્ષોથી બેસી રહી છે શાકમાર્કેટ. આખા સાવરકુંડલા શહેર/તાલુકાની જનતા આ ગંદી ગોબરી શાકમાર્કેટમાં શાકભાજી લેવા મજબુર બનયા છે. ત્‍યારે આજથી ર000/ર001માં સાવર અને કુંડલા વિભાગમાં નગરપાલિકા ઘ્‍વારા બે શાકમાર્કેટ નિર્માણ પામવાની શરૂઆત થઈ અને ર00પ/ર006માં આ બંને વિભાગોમાં પૂજય શામજીબાપુ શાકમાર્કેટ અને પૂજય ભોજલરામબાપાના નામકરણ સાથે પાણી પુરવઠા પ્રધાન હરજીવન પટેલે લોકાર્પણ કર્યુ હતું પણ આજે 13 13 વર્ષના વ્‍હાણા વીતવા છતાં હજુ પણ આ બંને શાકમાર્કેટો બંધ હાલતમાં છે જેનોકોઈ ઉપયોગ નથી થતો જેનો વસવસો જનતા જનાર્દન કરી રહી છે.
ભાજપનાં રાજમાં ર00પ/06માં બનેલી શાકમાર્કેટો હાલ હજુ બંધ હાલતમાં જોવા મળી રહી છે. સ્‍વચ્‍છતા સફાઈની જવાબદારી નિભાવતા પાલિકા તંત્રની શાકમાર્કેટમાં ગંદકીના ગંજ જોવા મળી રહૃાા છે. તો બંધ પડેલી શાકમાર્કેટોમાં પશુઓનો ઘાસચારો મુકીને દબાણ પણ થયું હોવાનું જોવા મળી રહૃાું છે. ત્‍યારે હાલ જે વર્ષોથી બેસતી નાવલી નદીના પટ્ટમાં શાકમાર્કેટ ચારો તરફ ગંદકી વચ્‍ચે બેસી છે છતાં લોકો શાકભાજી લેવા આજ નાવલી નદીમાં આવી રહૃાા છે અને શાકભાજીના વેપારીઓને પણ આજ જગ્‍યા પર ધંધો રોજગાર મળતો હોવાનું જણાવી રહૃાાં છે.
આશરે પાંચ દસકાથી નાવલી નદીમાં બેસીને વેપાર ધંધો કરતા શાકભાજી ને વેપારીઓને નવી શાકમાર્કેટમાં બેસવું નથી તો પાલિકા તંત્રે લાખોનાં ખર્ચે બનાવેલી નવી શાકમાર્કેટો તૈયાર થઈ ગયાના તેર તેર વર્ષ વીતી જવા છતાં હજુ પણ શોભાના ગાંઠીયા સમાન બની રહી છે તે વાસ્‍તવિકતા છે. ત્‍યારે ભાજપના રાજમાં બનેલી આધુનિક શાકમાર્કેટ હાલ પણ ભાજપનાં શાસનમાં ચાલું નથી થઈ તેવી કડવી સચ્‍ચાઈ વચ્‍ચે પાલિકા તંત્રના ચીફ ઓફીસરે જણાવ્‍યું હતું કે, પાલિકા તંત્ર ઘ્‍વારા અમુક સ્‍ટોલ હરરાજી કરીને વેચાણ દસ્‍તાવેજો પણ કરી નાખ્‍યા છે. પણ શાકભાજીના વેપારીઓ ત્‍યાંબેસીને ધંધો-રોજગાર કરતા નથી હોવાનું પાલિકાના ચીફ ઓફીસર જણાવી રહૃાા છે. પણ ગંદકીમાંથી આધુનિક શાકમાર્કેટમાં ફેરવવાની કામગીરી નથી કરાતી. ત્‍યારે સ્‍વચ્‍છતા જાળવવાનાં બદલે જયાંથી હજારો લોકો શાકભાજી આરોગે છે તે નાવલી નદીનાં વહેણમાં બેસતી શાકમાર્કેટ ગંદકીનાં ખપ્‍પરમાં ધકેલાઈ છે તે સફાઈ પણ પાલિકા તંત્ર કરાવી શકતી નથી અને હજુ નવી શાકમાર્કેટ જે બંધ હાલતમાં છે ત્‍યાં ફેરવી શકવામાં પાલિકાતંત્ર અસમર્થ સાબિત થઈ રહી છે ને સરકાર ઘ્‍વારા લાખોનો ખર્ચ નિરર્થક સાબિત થઈ રહૃાો છે.