Main Menu

સાવરકુંડલા ભાજપ શાસિત પાલિકા દ્વારા નાવલી નદીની સફાઈ કરવામાં આવી

સાવરકુંડલા ભાજપ શાસિત નવનિયુકત નગરપાલિકા દ્વારા શહેરની મઘ્‍યમાંથી પસાર થતી નાવલી નદીની સફાઈ કરવામાં આવી હતી. સાવરકુંડલા શહેરની મઘ્‍યમાં આવેલ નાવલી નદી ખાતે શાકમાર્કેટ ભરાતી હોવાથી સમગ્ર શહેરના લોકો શાકભાજી લેવા માટે આવતા હોય છે. વર્ષોથી નાવલી નદીની સફાઈ ન થતા ગંદકી અને કચરાનો ભરાવો થતા રોગચાળાની શહેરીજનો પર ભીતિ થાયતેમ હતી. સાવરકુંડલા શહેર ભાજપ શાસિત પાલિકા દ્વારા તાત્‍કાલિક ધોરણે નાવલી નદીની સફાઈ કરી શહેરીજનોના દિલ જીતી લીધા હતા. નાવલી નદીમાં ગટરના પાણીના નિકાલ માટે જે.સી.બી. દ્વારા પાણી નિકાલ માટે ખાળ કરી પાણી નિકાલની વ્‍યવસ્‍થા કરવામાં આવી હતી. આ તકે સાવરકુંડલા નગરપાલિકાના પ્રમુખ વિપુલભાઈ ઉનાવા, ઉપપ્રમુખ ભાવેશભાઈ હિંગુએ જાતે ઉભા રહી કામગીરી કરવામાં આવી હતી. આ તકે ભારતીય જનતા પાર્ટીના તમામ સદસ્‍યો ઉપસ્‍થિત રહી નાવલી નદીની સુંદર સફાઈ કરી હતી. નાવલી નદીમાં વરસાદના પુરના પાણીના હિસાબે વેપારીઓને નુકશાન ન થાય તે માટે નાવલી પોલીસ ચોકીથી લઈ ભુવા રોડ સુધીની સફાઈ કરવામાં આવી હતી.