Main Menu

બાબરામાં નવજીવન હોસ્‍પિટલનો ઉત્‍સાહભેર પ્રારંભ થયો

બાબરામાં નવજીવન હોસ્‍પિટલનો ઉત્‍સાહભેર પ્રારંભ થયો
બાબરા ખાતે અમરેલી નાગરિક ચેરીટેબલ ટ્રસ્‍ટ સંચાલિત નવજીવન જનરલ હોસ્‍પિટલનો મહાનુભાવોની ઉપસ્‍થિતિમાં ભવ્‍ય શુભારંભ કરવામાં આવ્‍યો હતો. આ કાર્યક્રમમાં અમરેલી નાગરિક ચેરીટેબલ ટ્રસ્‍ટ પ્રમુખ પી.પી. સોજીત્રા, અમરેલી જિલ્‍લા સાંસદ નારણભાઈ કાછડીયા, પૂર્વ ધારાસભ્‍ય વાલજીભાઈ ખોખરીયા, અમરેલી નાગરિક સહકારી બેંક ચેરમેન ભાવીનભાઈ સોજીત્રા તથા મેનેજીંગ ડિરેકટર જયેશભાઈ નાકરાણી, ટ્રસ્‍ટી અર્જુનભાઈ તથા જે.પી. સોજીત્રા, એ.પી.એમ.સી.બાબરાના ચેરમેન જીવાજીભાઈ રાઠોડ તથા ડિરેકટર બીપીનભાઈ રાદડીયા, બાબરા નગરપાલિકા પ્રમુખ ખીમજીભાઈ મારૂ, અગ્રણી ઉદ્યોગરત્‍ન મનુભાઈ દેસાઈ તથા લાલજીભાઈ દેસાઈ, નવજીવન જનરલ હોસ્‍પિટલ ડોકટર ટીમ વગેરે હાજર રહયા હતા. જેમની ઉપસ્‍થિતિમાં આ સંપૂર્ણ કાર્યક્રમ યોજાયો હતો.  અને આ શુભ પ્રસંગે ઈશ્‍વર કૃપાની અમીવર્ષા પણ ખૂબ જ સારી થતા બાબરા તાલુકાના લોકોમાં ભારે અનેરો ઉત્‍સાહ અને આનંદ જોવા મળ્‍યો હતો. કેમકે બાબરામાં આધુનિક હોસ્‍પિટલની શરૂઆત થતા લોકોને રાહત દરે ઉતમ આરોગ્‍ય સેવાઓ પ્રાપ્‍ત થશે તથા લાંબા સમયના વિરહ બાદ મેઘમહેર થતા લોકો પણ હોસ્‍પિટલ શુભારંભ માટે ખૂબ જ ઉત્‍સાહીત હતા. બાબરામાં નવજીવન જનરલ હોસ્‍પિટલનો શુભારંભ થતા ફુલ ટાઈમ ગાયનેકોલોજીસ્‍ટ (સ્‍ત્રીરોગ નિષ્‍ણાંત) તથા જનરલ સર્જન સેવા આપશે. રાહત દરે સામાન્‍ય કે જોખમી પ્રસૂતિ, સિઝેરીયન, એપેન્‍ડીકસ, સારણગાંઠ, વંધરાવળ વગેરે તમામ પ્રકારના ઓપરેશન રાહત દરે કરી આપવામાં આવશે. હોસ્‍પિટલમાં જ ર4 કલાક ઈમરજન્‍સી સારવાર, મેડિકલ સ્‍ટોર, લેબોરેટરી, સ્‍પેશ્‍યલ રૂમ, જનરલ રૂમ, એકસ-રે, સોનોગ્રાફીની સુવિધા ઉપલબ્‍ધ છે. બાબરા શહેર તથા આસપાસના તમામ વિસ્‍તારના લોકોને આ આધુનિક હોસ્‍પિટલનો લાભ મળે તથા ઉતમ આરોગ્‍ય પ્રાપ્‍ત થાય તે જ શુભેચ્‍છા.


« (Previous News)