Main Menu

અમરેલીમાં માથાનાં દુઃખાવારૂપ બનેલ ગુજરીબજારનું સ્‍થળાંતર કરો

દર રવિવારે લાયબ્રેરી માર્ગ પર જંગલરાજનો અનુભવ થાય છે
અમરેલીમાં માથાનાં દુઃખાવારૂપ બનેલ ગુજરીબજારનું સ્‍થળાંતર કરો
શાકમાર્કેટમાંથી પાથરણાવાળાને પણ હટાવવાની માંગ ઉભી થઈ રહી છે
ભીડભંજન મંદિર નજીક સવારનાં સમયે ભેગા થતાં શ્રમજીવીઓને વિશ્‍વકર્મા ભવનમાં ફેરવવાની જરૂર
અમરેલી, તા. ર1
અમરેલી શહેરમાં ટ્રાફીકનો પ્રશ્‍ન દિનપ્રતિદિન વિકરાળ બની રહૃાો હોય નવનિયુકત પોલીસ અધિક્ષક નિર્લિપ્‍ત રાય શહેરીજનોની વર્ષો જુની સમસ્‍યાનું નિરાકરણ કરે તો શહેરીજનો વર્ષો સુધી તેમનું ઋણ ભુલશે નહી.
સૌપ્રથમ શહેરનાં લાયબ્રેરી માર્ગ પર છેલ્‍લા એક દાયકાથીદર રવિવારે ભરાતી ગુજરી બજારથી ટ્રાફીક સમસ્‍યા વિકરાળ બની જાય છે. શહેરીજનોને લાયબ્રેરીમાં જવા કે રામજી મંદિરે તેમજ આ માર્ગ પર પસર થવામાં ભરે મુશ્‍કેલી થઈ રહી હોય ગુજરી બજારનું સ્‍થળંતર અન્‍યત્ર કરવાની માંગ ઉભી થઈ છે.
તદઉપરાંત શાકમાર્કેટમાં નીચે બેસીને પાથરણાાવાળા શાકભાજીનો વેપાર કરતાં હોવાથી મહિલાઓને ભારે પરેશાની ભોગવવી પડે છે અને શાકમાર્કેટમાં પણ અંધાધુંધીનો માહોલ જોવા મળે છે.
આશ્ચર્યજનક બાબત એ છે કે, ટ્રાફીક પોલીસકર્મી પાથરણાવાળા, રેંકડીવાળા કે ગુજરીબજારમાંથી પણ હપ્‍તાની રકમ ઉઘરાવતાં હોવાથી આ સમસ્‍યાનું નિરાકરણ થતું ન હોય એસપીએ આ બાબતે જરૂરી કર્યવાહી કરવી જરૂરી બની છે.
તદઉપરાંત પાલિકાએ શ્રમજીવીઓ માટે નાગનાથ ચોકમાં વિશ્‍વકર્મા ભવન બનાવેલ હોવા છતાં પણ શ્રમજીવીઓ અકળ કારણોસર ભીડભંજન મંદિર નજીક સવારનાં સમયે ટોળાનાં સ્‍વરૂપમાં એકત્ર થઈ રહૃાા હોય જેથી ટ્રાફીક સમસ્‍યા થઈ રહી હોય નવનિયુકત એસપીએ ઉપરોકત સમસ્‍યા અંગે કાર્યવાહી કરવી જોઈએ તેવી માંગ શહેરીજનોમાંથી ઉભી થઈ રહી છે.