Main Menu

લ્‍યો બોલો : લીલીયા મોટામાં માત્ર 3 દિવસ માટે જ ભૂગર્ભ ગટરની સફાઈ કરવામાં આવશે

3 મહિનાની કામગીરી 3 દિવસમાં કેવી રીતે થઈ શકશે ?
અમરેલી,તા.14
લીલીયા મોટાના ગામજનો છેલ્‍લા પાંચ વર્ષથી ભૂગર્ભ ગટરને લઈને ગંદકીની સમસ્‍યાનો સામનો કરી રહયા છે અને શાસકો માત્ર લોલીપોપ આપી રહયાા છે. સ્‍થાનિક આગેવાનો પણ રજૂઆતો અને આંદોલન કરીને થાકી ગયા છે.
તાજેતરમાં ગામજનોએ પુનઃ આંદોલનની ચીમકી આપતાં શાસકોએ રાબેતા મુજબ વૈકલ્‍પીક વ્‍યવસ્‍થા કરી આપી. જેમાં સાવરકુંડલા પાલિકાના જેડીંગ મશીનને 3 દિવસ માટે જ લીલીયા મોટાની ગટરની સફાઈ કરવા માાટે ધકેલી દઈને જવાબદારી નિભાવ્‍યાનું નાટક કરવામાં આવતાં ગામજનોમાં નારાજગીનો માહોલ જોવા મળી રહયો છે. 3 મહિના સુધી સફાઈની કામગીરી કરવામાં આવે તો જ સમસ્‍યા દૂર થાય તેમ છે. 3 દિવસમાં તો કોઈપણ સંજોગોમાં ગટરની ગંદકી દૂર થાય તેમ નથી. શાસકો નાટકબાજી બંધ કરીને સમસ્‍યાને જડમૂળમાંથી દૂર કરે તેવી માંગ ગામજનો કરી રહયા છે.