Main Menu

ખાંભાની હાઈસ્‍કૂલમાં શાળા પ્રવેશોત્‍સવની ઉજવણી

ખાંભાની જે. એન. મહેતા હાઈસ્‍કૂલમાં કન્‍યા કેળવણી ર018 અંતર્ગત શાળા પ્રવેત્‍શોત્‍સવનાં સામુહીક પ્રવેશ આપવાના કાર્યક્રમ અંતર્ગત ખાંભા કુમારશાળા, કન્‍યાશાળા, નવી વસાહત શાળા તેમજ જુનુગામ પ્રાથમિક શાળાનાં ધો.1નાં 1ર8 વિદ્યાર્થીઓ તેમજ જે. એન. મહેતા હાઈસ્‍કૂલમાં ધો.9ના 190 વિદ્યાર્થીઓ તથા આંગણવાડીનાં 4પ બાળકોને સમૂહ પ્રવેશ આપવામાં આવેલ. પ્રવેશ પામતા તમામ બાળકોને ભગવત ગીતાનું પૂસ્‍તક તથા ચોપડા તથા આંગનવાડીનાં બાળકોને રમકડા આપી સુખડીથી મોં મીઠા કરવા કંકુતીલ કરાવી સમુહ પ્રવેશ આપવામાં આવેલ. આ અવસરે શાળાની વિદ્યાર્થીનીઓએ દેશભકિતનાં ગીતો તથા સ્‍વાગત ગીત રજૂ કરેલ. ધો.9ની વિદ્યાર્થીનીઓ સોલંકી મીસીતા તથા ગડા નીકીતાએ બેટી બચાવો બેટી પઢાઓ વકતવ્‍ય આપેલ. કેળવણી નીરીક્ષક બારડની અઘ્‍યક્ષતામાં આયોજીત સમૂહ શાળાપ્રવેત્‍શોવ અવસરે જી.પં. સભ્‍ય નીરૂભા બી.આર.સી. જાંજમેરા ખાંભાના સરપંચ અમરીશભાઈ જોષી – દક્ષાબહેન આચાર્ય સોલંકી, તથા ભીખુભાઈ બાટાવાળા 700 વિદ્યાર્થીની- વિદ્યાર્થીઓ, ગ્રામજનો તમામ શાળાઓનો સ્‍ટાફ તમામ આંગનવાડી વર્કરો તથા બહેનોએ વિશાળ સંખ્‍યામાં હાજરી આપેલ. બી.આર.સી.જાંજમેરા, સોલંકી આચાર્ય તથા નીરૂભા રાઠોડ સરપંચ અમરીશ જોષી તથા કે.ની. બારડએ પ્રસંગોચીત ઉદ્યબોધન કરેલ. આ    શાળા પ્રવેશ અવસરે 69માં વન મહોત્‍સવ અન્‍વયે મહેમાનોનાં વરદહસ્‍તે હાઈસ્‍કૂલનાં પટાંગણમાં વૃક્ષારોપણ પણ કરવામાં આવેલ. સામુહીક શાળા પ્રવેશોત્‍સવ કાર્યક્રમનું સંચાલન ધો.10ની વિદ્યાર્થીની શેખ સાફીયાએ કરેલ. કાર્યક્રમને સફળ બનાવવા પ્રીન્‍સીપાલ સોલંકી તથા તમામ સ્‍ટાફઅને વિદ્યાર્થીઓએ ભારે જહેમત ઉઠાવેલ. કાર્યક્રમના અંતે ધો.10ના વિદ્યાર્થીઓએ યોગાસન કરી બતાવી તમમને મંત્ર મુગ્‍ધ કરેલા. ખાંભાનાં બોરાળા, ચક્રાવા- ચક્રાવા પરા તથા બાબરપરા ગામોમાં મામલતદાર નાધેરાની અઘ્‍યક્ષતામાં 100 બાળકોને ધો.1 માં તથા પ0 બાળકોને આંગનવાડીમાં પ્રવેશ આપવામાં આવેલ.