Main Menu

બાબરાનાં અમરાપરામાંથી સમી સાંજે કિશોરીને બાઈક પર ઉઠાવી જવાનાં પ્રયાશથી ચકચાર

જિલ્‍લામાં પોલીસ વિભાગ માટે નવતર ગુન્‍હો સામે આવ્‍યો
બાબરાનાં અમરાપરામાંથી સમી સાંજે કિશોરીને બાઈક પર ઉઠાવી જવાનાં પ્રયાશથી ચકચાર
માર્ગ પર સામે મળેલ જાગૃત્ત વ્‍યકિતથી કિશોરી બચી ગઈ
અમરેલી, તા. 14
બાબરા ગામે રહેતાં એક 11 વર્ષની દિકરી ગઈકાલે સાંજના સમયે પોતાની સાયકલ લઈ સ્‍વામિનારાયણ મંદિરે દર્શન કરવા ગયેલી અને ત્‍યાંથી પરત આવતી હતી ત્‍યારે એક મોટર સાયકલ ઉપર ડબલ સવારીવાળા ઈસમોએ આ કિશોરીને વચ્‍ચે બેસાડીને લઈ જતાં હતા ત્‍યારે રસ્‍તામાં તેણી રડતી હોય, ત્‍યારે સામેથી આવી રહેલ, લાભુભાઈ નામનાં સજજને જોઈ જતાં મોટરસાયકલ ઉભુ રખાવતાં આ કિશોરી આરોપીનાં મોટર સાયકલ ઉપરથી ઉતરી અને આ સજજનનાં મોટર સાયકલમાં બેસી જતાં આ અપહરણકર્તાઓએ પોતાના મોઢા ઉપર રૂમાલ બાંધેલા હોય તેમની પુછપરછ કરતાં તેઓ ભાગી ગયા હતા.
આ બનાવ અંગે આ સજજને તેમનાં પિતાને જાણ કરતાં આ કિશોરીનું અપહરણ કરી લઈ જતાંનું ઘ્‍યાને આવતા આ બેઉ એક આરોપી બાબરાનાં અમરાપરામાં રહેતાં હસુ રમેશભાઈ મેણીયા હતો જયારે બીજો આરોપી અજાણ્‍યો હોય, આ અંગે આ કિશોરીનાં પિતાએ બાબરા પોલીસમાં ફરિયાદ નોંધાવતાં પોલીસે આરોપીની શોધખોળ આદરી છે.