Main Menu

અમરેલી પાલિકામાં ભાજપનાં સમર્થનથી કોંગી બળવાખોરોનું શાસન

કોંગ્રેસનાં 1પ નગરસેવકોએ ભાજપ અને અપક્ષનું મેળવ્‍યું સમર્થન
અમરેલી પાલિકામાં ભાજપનાં સમર્થનથી કોંગી બળવાખોરોનું શાસન
પ્રમુખ પદે જયંતિભાઈ રાણવા અને ઉપપ્રમુખ પદે શકીલભાઈ સૈયદ નો વિજય થયો
અમરેલી, તા. 14
અમરેલી નગરપાલિકાનાં પ્રમુખ-ઉપપ્રમુખની મુદત પુરી થતાં નવા પ્રમુખ-ઉપપ્રમુખની આજે અમરેલી પ્રાંત અધિકારીની ઉપસ્‍થિતિમાં ચૂંટણી રૂક્ષ્મણીબેન બાલમંદિરમાં યોજાતા કોંગ્રેસમાં વોર્ડ નં. ર માંથી ચૂંટાયેલા જયંતિભાઈ રાણવા પ્રમુખ તરીકે અને શકિલભાઈ સૈયદ ઉપપ્રમુખ તરીકે ચૂંટાય આવ્‍યા હતા. આ બંને સહિત કુલ 1પ કોંગ્રેસનાં સદસ્‍યોએ કોંગ્રેસનાં વ્‍હીપનો અનાદર કરી વિજેતા થયા હતા.
અમરેલી નગરપાલિકામાં અઢી વર્ષ પહેલા યોજાયેલ સામાન્‍ય ચૂંટણીમાં કોંગ્રેસનાં 3પ સભ્‍યો જયારે ભજપનાં પ તથા અપક્ષના 4 મળી કુલ 44 સદસ્‍યો વિજયી થયા હતા. પ્રથમ અઢી વર્ષ સુધી કોંગ્રેસનાં પ્રમુખ તરીકે અલ્‍કાબેન ગોંડલીયા તથા ઉપપ્રમુખ તરીકે નટુભાઈ સોજીત્રાએ અમરેલી પાલિકની ધૂરા સંભાળી હતી.
આ પ્રથમ અઢી વર્ષની મુદત પુરી થતાં નવા પ્રમુખ તથા ઉપપ્રમુખની ચૂંટણી જાહેર થતાં કોંગ્રેસમાં બળવો થવાનાં એંધાણ થયા હતા. જેને લઈ કોંગ્રેસનું એક જુથ ભુગર્ભમાં ઉતરી ગયું હતું. તો સામાપક્ષે કોંગ્રેસ ઘ્‍વારા બળવો ખાળવા પ્રયત્‍નો કર્યાહતા પરંતુ આખરે કોઈ સમાધાન નહી થતાં આખરે કોંગ્રેસપક્ષ ઘ્‍વારા આજે ચૂંટણી સમયે જિલ્‍લા કોંગ્રેસ પ્રમુખની ઉપસ્‍થિતિમાં શહેર કોંગ્રેસ પ્રમુખ લલીત ઠુંમરે કોંગીનાં ચૂંટાયેલા તમામ સદસ્‍યોને પક્ષનો વ્‍હીપ આપવા આવી પહોંચ્‍યા હતા. પરંતુ કોંગ્રેસ પક્ષમાં બળવો કરનારા 1પ જેટલા સદસ્‍યોએ પક્ષનો વ્‍હીપ સ્‍વીકારવાનો ઈન્‍કાર કરી દીધો હતો.
આખરે પ્રાંત અધિકારી, નગરપાલિકાનાં પ્રમુખ-ઉપપ્રમુખની ચૂંટણી યોજવા આવી પહોંચ્‍યા હતા અને પ્રમુખ-ઉપપ્રમુખની ચૂંટણીની પ્રક્રિયા હાથ ધરી હતી.
આ ચૂંટણી પ્રક્રિયામાં કોંગીનાં બાલુબેન પરમારે પ્રમુખ તરીકે ઉમેદવારો નોંધાવી હતી તો તેમની સામે પ્રમુખ તરીકે જયંતિભાઈ રાણવાએ પણ ઉમેદવારી નોંધાવી હતી. આમ બંને ઉમેદવારો કોંગ્રેસપક્ષનાએ ઉમેદવારી નોંધાવતા ચૂંટણી અધિકારીએ ચૂંટણી યોજતાં અને મતદાન કરાવતાં જયંતિભાઈ રાણવાન ર4 મત મળ્‍યા હતા. જયારે સામે પક્ષે કોંગ્રેસનાં સત્તાવાર ઉમેદવાર બાલુબેન પરમારને ર0 મત મળતાં જયંતિભાઈ રાણવાને વિજેતા જાહેર કર્યા હતા.
તેવી જ રીતે કોંગ્રેસ પક્ષનાં સત્તાવાર ઉમેદવાર સંદિપ ધાનાણીએ ઉપપ્રમુખ તરીકે ઉમેદવારી નોંધાવી હતી તો સામા પક્ષે સકિલભઈ સૈયદે પણ ઉમેદવરી નોંધાવતા તેમાં પણ કોંગ્રેસનાં સત્તવાર ઉમેદવારને ર0 મત મળ્‍યા હતા જયારેસકિલભઈ કાદરીને ર4 મત મળતાં અમરેલી નગરપાલિકાનાં ઉપપ્રમુખ તરીકે સકિલભાઈ કાદરીને વિજેતા જાહેર કરવામાં આવ્‍યા હતા.
અમ વિપક્ષનાં નેતા પરેશભાઈ ધાનાણીનાં મત ક્ષ્ેત્રમાં જ કોંગ્રેસમાં બળવો થયો હતો અને અઢી વર્ષ પહેલા કોંગ્રેસમાંથી ચૂંટયેલા પ્રમુખ-ઉપપ્રમુખ સહિત 1પ સદસ્‍યોએ બળવો કરતાં તેમને ભાજપનાં પ તથા અપક્ષનાં 4 સદસ્‍યોનો ટેકો મળી ગયો હતો.
આમ આગામી અઢી વર્ષ માટે સત્તાની ધૂરા સંભાળી લીધી હતી.
જો કે કોંગ્રેસ પક્ષનાં ચૂંટાયેલા સદસ્‍યો ઘ્‍વરા પક્ષનાં વ્‍હીપનો અનાદર કરવા સબબ કોઈ કાર્યવાહી કરે છે કેમ તે સામે પણ રાજકીય ગણતરીઓનાં મંડાણ શરૂ થયા છે.