Main Menu

બગસરા પાલિકામાં ભાજપની સાડાસાતી પુરી : પાલિકામાં કમળ ખીલી ઉઠયું

સાડા સાત વર્ષ બાદ પાલિકામાં કમળ ખીલી ઉઠયું
બગસરા પાલિકામાં ભાજપની સાડાસાતી પુરી
પ્રમુખ તરીકે ચંપાબેન બઢીયા અને ઉપપ્રમુખ પદે નિતીષ ડોડીયા વિજેતા થયા
બગસરા, તા. 14
બગસરા નગરપાલિકાની પ્રમુખપદની આજની ચૂંટણીમાં 13 વિરૂઘ્‍ધ 14 મતે ભાજપે – કોંગ્રેસ પાસેથી સત્તા ઝુંટવી લેતા 7-1/ર વર્ષે બાદ ભાજપને સત્તા મળવાથી કાર્યકરો ગેલમાં આવી ગયા હતા.
વિગત અનુસાર ર8 સભ્‍યો ધરાવતી બગસરા નગર પાલિકામાં છેલ્‍લા 7-1/ર વર્ષથી કોંગ્રેસ સતા ભોગવી રહયું હતું.
પરંતુ આજની પ્રમુખની ચુંટણીમાં કોંગ્રેસને શિકસત આપી ભાજપે સતા છીનવી લીધી હતી.
ભાજપે પ્રમુખપદ માટે ચંપાબેન બઢીયા તથા ઉપપ્રમુખ માટે નિતિષ ડોડીયાની વ્‍હીપ આપેલ જયારે કોંગ્રેસ પ્રમુખ માટે મંજુલાબેન મેર તથા ઉપ પ્રમુખ માટે અશોક અગ્રાવત વ્‍હીપ આપેલ. પરંતુ અણીનાં સમયે મંજુલાબેને દાવેદારીની સહમતી ન આપતા કોંગ્રેસે ભાજપમાં રેખાબેન પરમારનું ફોર્મ ભરેલ જે કે ખુદ રેખાબેને જ પોતાનો મત ચંપાબેન બઢીયા ને આપી પક્ષ પ્રત્‍યે વફાદારી દાખવતા 13 વિરૂઘ્‍ધ 14 મતે ભાજપનો વિજય થયોહતો.
આજની બેઠકમાં કોંગ્રેસના સદસ્‍યા મુકતાબેન નલીયાધરા ગેર હાજર રહેલ જયારે કોંગ્રેસમાંથી વોર્ડ નં.3ના ભાવનાબેન કટેશીયા તથા વોર્ડ નં.4 દિલીપ મકવાણા ભાજપમાં જોડાયેલ.
જયારે ભજપમાંથી વોર્ડ નં.6 ના ફરજાનાબેન બીલખીયા તથા વોર્ડ નં.ર નર્મદાબેન રડીમલ કોંગ્રેસમાં જોડાયેલા બન્‍ને પક્ષો તરફથી ઉપરોકત સદસ્‍યો વિરૂઘ્‍ધ પક્ષાંતર ધારો લાગુ કરી સભ્‍યપદ માટે ગેરલાયક ઠેરવવાની કાર્યવાહી કરવામાં આવશે. તેમ જણાવેલ.
ડી.વાય.એલ.પી. સહિત ચુસ્‍ત પોલીસ બંદોબસ્‍ત વચ્‍ચે પ્રાંત અધિકારી, નાયબ મામલતદાર, ચીફ ઓફિસર તથા પાલિકા હેડ કલાર્ક ચુંટણી પ્રકિયા સંભાળેલ અને ચંપાબેન બઢીયાને પ્રમુખ તરીકે તથા નિતિષ ડોડીયાને ઉપ પ્રમુખ તરીકે ધોસિત કરવામાં આવેલ.