Main Menu

બાબરામાંથી રૂપિયા 4 લાખનો બાયો ડીઝલનો જથ્‍થો ઝડપાયો

જુદા-જુદા સ્‍થળેથી જથ્‍થો કબ્‍જે કર્યો
અમરેલી, તા.14
અમરેલી એલ.સી.બી. ટીમ બાબરા પો. સ્‍ટે. વિસ્‍તારમાં પેટ્રોલીંગમાં હતા તે દરમિયાન બાતમી રાહે હકીકત મળેલ કે બાબરામાં જી.આઈ.ડી.સી.-1 વિસ્‍તારમાં શિવધારા કપાસીયા ખોળ ઈન્‍ડસ્‍ટ્રીઝ સામે આવેલ ગોડાઉનમાં રાજેશકુમાર વેલજીભાઈ ગોહિલ, રહે. દેરડી કુંભાજી, તા. ગોંડલ વાળો ગે.કા. અનધિકૃત રીતે બાયો ડીઝલનો સ્‍ટોક કરી કોઈ પણ જાતના લાઈસન્‍સ કે પાસ-પરમીટ વગર બાયો-ડીઝલનું વેચાણ કરે છે. અને વાહનોમાં બાયો-ડીઝલ પુરી આપે છે. તેવી ચોકકસ બાતમી આધારે બાતમી વાળી જગ્‍યાએ રેઈડ કરતાં ગોડાઉન પરથી બીલ કે આધાર પુરાવા વગરનું બાયો-ડીઝલ લીટર 7000, કિંમત રૂા. 3,પ0,000 તથા બાયો-ડીઝલ ભરવા માટેનો મોટોલોખંડનો ટાંકો કિંમત રૂપિયા 80,000 તથા બાયો-ડીઝલ પુરવા માટેનો ફીલીંગ પંપ કિંમત રૂા. 40,000 તથા સપ્‍લાય ટેંક, કિંમત રૂપિયા 4,000 તથા ઈલેકટ્રીક મોટર, પાઈપ-લાઈન સહિત કિંમત રૂપિયા 6,000 વિગેરે મળી કુલ કિંમત રૂપિયા 4,80,1પ0નો મુદામાલ મળી આવતાં અને આ બાયો-ડીઝલનું વેચાણ કરવા માટે રાજેશકુમાર વેલજીભાઈ ગોહિલ પાસે કોઈ લાઈસન્‍સ કે પરમીટ ન હોય જેથી ઉપરોકત તમામ મુદામાલ કબ્‍જે કરી અને હાજર મળેલ શખ્‍સ રાજેશકુમાર વેલજીભાઈ ગોહિલ વિરૂઘ્‍ધ ધોરણસર કાર્યવાહી કરી બાબરા પોલીસ સ્‍ટેશન હવાલે કરેલ છે.
આવી જ રીતે મળેલ હકીકત આધારે બાબરા માર્કેટીંગ યાર્ડ પાસે આવેલ રાજહંસ કોમ્‍પ્‍લેક્ષમાં આવેલ ભરતભાઈ ધીરજલાલ મસરાણી રહે. બાબરા વાળાની દુકાને રેઈડ કરતાં બીલ કે આધાાર પુરાવા વગરનું બાયો-ડીઝલ લીટર 11ર0, કિંમત રૂપિયા પ6,000 તથા બાયો-ડીઝલ ભરવા માટેના મોટા પ્‍લાસ્‍ટિકના ટાંકા પ000 લીટરની કેપેસીટી વાળા નંગ-ર કિંમત રૂપિયા 40,000 તથા લોખંડના બેરલ નંગ-6 કિંમત રૂપિયા 3,000 તથા ઈલેકટ્રીક મોટર, પાઈપ લાઈન સહિત કિંમત રૂા. ર,000 વિગેરે મળી કુલ કિંમત રૂપિયા 1,01,400નો મુદામાલ મળી આવતાં અને આ બાયો-ડીઝલનું વેચાણ કરવા માટે ભરતભાઈ ધીરજલાલ મસરાણી પાસે કોઈ લાઈસન્‍સ કે પરમીટ ન હોય જેથી ઉપરોકતતમામ મુદામાલ કબ્‍જે કરી અને હાજર મળેલ શખ્‍સ ભરતભાઈ ધીરજલાલ મસરાણી વિરૂઘ્‍ધ ધોરણસર કાર્યવાહી કરી બાબરા પોલીસ સ્‍ટેશન હવાલે કરેલ છે.