Main Menu

અમરેલીમાંથી 8 વર્ષથી નાશતા ફરતા આરોપીને દબોચી લેવાયો

અમરેલી, તા.13
એલ.સી.બી. ટીમ અમરેલી ટાઉન વિસ્‍તારમાં પેટ્રોલિંગમાં હતા જે દરમ્‍યાન બાતમી રાહે હકિકત મળેલ કે અમરેલી બસ સ્‍ટેન્‍ડની સામે સિવિલ હોસ્‍પિટલ પાસે એક શકમંદ ઈસમ આટાફેરા કરતો હોય, જેને બોલાવી પુછપરછ કરતા પોતે ગલ્‍લા-તલ્‍લા કરવા લાગેલ, વધુમાં પુછતા પોતે પોતાનું નામ સંજયભાઈ ઉર્ફે બાલો વાલજીભઈ રૂડાણી (ઉ.વ.3પ) રહે. તોરી, તા. વડિયા વાળો હોવાનુંજણાવેલ અને જે બાબતે ઉંડાણપુર્વક તપાસ કરતા પોતે સા.કુંડલા તાલુકા પોલીસ સ્‍ટેશનના આઈ.પી.સી. કલમ-363, 366 ના ગુન્‍હામાં છેલ્‍લા અઠેક વર્ષથી નાસતો ફરતો આરોપી હોય જેને પકડી પાડી તેના વિરૂઘ્‍ધ ધોરણસર કાર્યવાહી કરી અમરેલી સીટી પોલીસ સ્‍ટેશન હવાલે કરવામાં      આવેલ છે.
આ કામગીરી અમરેલી પોલીસ અધિક્ષક નિર્લિપ્‍ત રાયની સૂચના અને માર્ગદર્શન હેઠળ એલ.સી.બી. પોલીસ ઈન્‍સ. સી.જે. ગૌસ્‍વામી, પો.સ.ઈ. એ.વી. સરવૈય તથા એલ.સી.બી. સ્‍ટાફના પ્રફુલભાઈ જાની, ભરતબાપુ ગૌસ્‍વામી, કે.સી. રેવર, હિંગરાજસિંહ ગોહિલ, કિશનભાઈ હાડગરડા, સંજયભાઈ મકવાણા, મયુરભાઈ ગોહિલ, ભગવાનભાઈ ભીલ, જીતભુાઈ બગડા, તુષારભાઈ પાંચાણી, અજયભાઈ સોલંકી વિગેરેએ કરેલ છે.