Main Menu

ડુંગરમાં ગામ પંચાયતની બેદરકારીથી ગટરના ગંધાતા પાણી માર્ગ પર ફરી વળતા રોષ

રમજાનનાંપવિત્ર મહિનામાં મુસ્‍લિમ બિરાદરો પરેશાન
ડુંગરમાં ગામ પંચાયતની બેદરકારીથી ગટરના ગંધાતા પાણી માર્ગ પર ફરી વળતા રોષ
ડુંગર, તા.1ર
રાજુલાના ડુંગર ગામે રમજાન માસ હોવા છતાં લોકોએ ગટરોના પાણીમાંથી પસાર થવું પડે છે. ડુંગરની મેઈન બજાર, ખેરપરા શેરી, બારપરા શેરી, જમાદાર શેરી, નેરડી વિસ્‍તાર વિગેરે વિસ્‍તારોમાં ગટરોના પાણી ફરી વળે છે. લોકોએ ભર    ઉનાળે ચોમાસા જેવો માહોલ હોય તેવું જણાઈ રહયું છે. ગ્રામજનોના જણાવ્‍યા મુજબ અનેક વખત ગ્રામપંચાયતને રજૂઆત કરવા છતાં કંઈ સાંભળવામાં આવતું નથી. આવી ગટરો ઉભરાતા ગામમાં રોગચાળો ફેલાઈ જવાની દહેશત ઉભી થઈ છે. ડુંગર ગામે ગત વર્ષે પણ સ્‍વાઈન ફલૂના બનાવો બનવા પામેલ છે. છતાં તંત્રની આંખ ઉઘડતી નથી. આમ ડુંગર ગામે સ્‍વચ્‍છતા અભિયાનના લીરેલીરા ઉડતા જોવા  મળી રહયા છે.
આ બાબતે તંત્રની આંખ ખૂલે અને ગામમાં ચોમાસાના વરસાદ પહેલા ગટરો તેમજ ઉકરડાઓની સફાઈ કરવામાં આવે તેવી લોક માંગ ઉઠવા પામી છે.