Main Menu

અમરેલીમાં નામચીન શખ્‍સ ઉપર હુમલો કરનાર 3 શખ્‍સોને પોલીસે ઝડપી લીધા

મહુવાના આસરવા બસ સ્‍ટેન્‍ડ નજીકથી દબોચી લેવાયા
અમરેલી, તા. 11
અમરેલીનાં ટાવર ચોક પાસે થોડા દિવસ પહેલા અમરેલીનાં નામચીન ઈરફાન ઉર્ફે ટાલકી નામનાં ઈસમનેસમાધાનનાં બહાને બોલાવી ચાર ઈસમોએ અસ્‍ત્રા વડે હુમલો કરી ગંભીર રીતે ઘાયલ કરી દીધા બાદ આ ચારેય શખ્‍સો નાશી ગયા હતા. ત્‍યારે પોલીસે 1 ઈસમને ઝડપી લીધા બાદ ગઈકાલે બાકી રહેલા ત્રણેય ઈસમોને પણ ઝડપી લીધા હતા.
આ બનાવમાં પોલીસે અગાઉ વિશાલ વાણંદને ઝડપી લીધા બાદ બાકી રહેતાં વસંત મનુભાઈ મકવાણા, ચિરાગ ગીજુભાઈ ઠાકર તથા દિપક રમેશભાઈ સોલંકી નાશતા ફરતા હતા. ત્‍યારે મહુવા તાલુકાના મોટા ખુંટવડા પોલીસ સ્‍ટેશનનાં પીએસઆઈ મુકેશભાઈ ગોહિલ તથા સ્‍ટાફને હકીકત મળતાં તેઓએ આસરવા બસ સ્‍ટેન્‍ડથી આ ત્રણેય ઈસમો ભાગવાની તૈયાર કરતા હોય અમરેલી સીટી પોલીસને જાણ કરતાં પીઆઈ બી.આર. ચૌધરી, હેડ કોન્‍સ્‍ટેબલ ગંભીરસિંહ ચાવડા, હરેશસિંહ પરમાર, કપીલભાઈ બગડા, હિતેશભઈ તથા ડ્રાઈવર ભરતભાઈ વિગેરેએ મારતી મોટરે પહોંચી જઈ આ ત્રણેય ઈસમોને ખૂંટવડા પોલીસ સ્‍ટાફને સાથે રાખી ઝડપી લઈ આગળની કાર્યવાહી હાથ ધરી હતી.