Main Menu

રાજુલામાં માર્કેટયાર્ડ નજીકની દુકાનમાંથી રૂપિયા 1.14 લાખની ચોરી

સ્‍થાનિક પોલીસે તસ્‍કરોને ઝડપવા ચક્રો ગતિમાન કર્યા
રાજુલા, તા. 11
રાજુલા માર્કેટીંગ યાર્ડનાં ગેઈટની બાજુમાં માર્કેટીંગ યાર્ડની પહેલા માળે આવેલી દુકાન જે નિલકંઠ સ્‍ટુડીયોનાં નામે ચાલે છે. જે હરેશભાઈ તેરૈયાની દુકાનમાં ગઈકાલે રાત્રીનાં સમયે 1 લાખ 14 હજાર રોકડા તેમજ પૂંજામાં મુકેલા છ ચાંદીનાં સીક્કા સહિતનાની ચોરી થયેલ છે. આ અંગેની ફરિયાદ રાજુલા પોલીસ સ્‍ટેશનમાં થતા આ અંગેની તપાસ પી.આઈ. જાડેજા ચલાવી રહૃાા છે. જેમાં આજુબાજુનાં સી.સી.ટી.વી.નાં ફુટેજ પણ ચકાસી રહૃાા છે. નિલકંઠ સ્‍ટુડીયોની બાજુમાં જ આવેલ ગોપાલ એડવાઈઝર નામની દુકાનનાં પણ તાળા તોડેલ હતા. પરંતુ ગોપાલ એડવાઈઝર રાજુભાઈ પરમારની દુકાનમાંથી કશું ચોરાયેલ નથી.
રાજુલામાં અવારનવાર ચોરીનાં બનાવો બનતા રહે છે. જેમાંથીમોટાભાગની ડીટેકટ થયેલ નથી.