Main Menu

લાઠીમાં ત્રણ શખ્‍સોએ ગેરકાયદેસર રીતે એક યુવકને ગોંધી રાખી ધમકી આપી

રૂા. 4.70 લાખ બળજબરીથી કઢાવવા કોશિષ કરતા ફરિયાદ
અમરેલી, તા.11
લાઠી ગામે રહેતા બીલકીશબેન યુસુફભાઈ દલ નામની 60 વર્ષીય વૃઘ્‍ધાના નાના દીકરાએ ત્રણેક વર્ષ પહેલા તે જ ગામે રહેતા તેજાભાઈના મોટા દીકરા મહમદભાઈ પાસેથી રૂા. 4.70 લાખ વ્‍યાજે લીધા હતા. જે પૈસા તેમણે ચુકતે કરી શકે તેમ ન હોય, જેથી તે લાઠી ગામ મુકીને જતો રહેલ હતો. જેથી આ પૈસાની ઉઘરાણી કરવા માટે થઈ મહમદભાઈ, તેમના ભાઈ અહેમદભાઈ તથા સાહિલ આદમભાઈ સેતા બીલકીશબેનના મોટા દીકરા પાસે અવાર-નવાર માંગણી કરી સતામણી કરતા હોય, અને ગત તા.7/6ના રોજ આ ત્રણેય ઈસમોએ વૃઘ્‍ધાના મોટા દીકરાને બજારમાંથી પકડી લઈ જઈ એક રૂમમાં ગોંધી રાખી ઢીકાપાટુનો માર મારી, ગાળો આપી, જાનથી મારી નાખવા ધમકી આપી રૂા. 4.70 લાખ બળજબરીથી કઢાવવાની કોશિશ કરવાની ફરિયાદ લાઠી પોલીસમાં નોંધાવતા પી.એસ.આઈ. જેતપરીયાએ વધુ તપાસ હાથ ધરી છે.