Main Menu

લ્‍યો બોલો : જિલ્‍લા પ્રાથમિક શિક્ષણાધિકારીની જગ્‍યા ખાલી

જિલ્‍લામાં હજારો બાળકોનાં શિક્ષણની જવાબદારી નિભાવનાર કોઈ નથી
લ્‍યો બોલો : જિલ્‍લા પ્રાથમિક શિક્ષણાધિકારીની જગ્‍યા ખાલી
પ્રાથમિક શિક્ષણ જેવા અતિ મહત્‍વનાં વિભાગનાં અધિકારીની ખાલી જગ્‍યાથી આશ્ચર્ય ઉભું થઈ રહૃાું છે
આગામી દિવસોમાં પ્રવેશોત્‍સવ, કન્‍યા કેળવણી જેવા ઉત્‍સવો થવાનાં હોય તેનો કોઈ મત્તલબ રહેતો નથી
અમરેલી, તા. 11
અમરેલી જિલ્‍લામાં પ્રાથમિક શિક્ષણની હાલત અતિ         કથળી રહી છે. અને જયાં પ્રાથમિકશિક્ષણનું સ્‍તર કથળી રહયું હોય ત્‍યાં ભવિષ્‍ય ઉજજવળ બનશે તે આશા રાખવી નકામી છે.
અમરેલી જિલ્‍લામાં 700 ઉપરાંતની સરકારી શાળાઓ અને તેમાં પ હજાર કરતા પણ વધારે શિક્ષકો ફરજ બજાવે છે. જિલ્‍લાની સરકારી પ્રાથમિક શાળાઓમાં શિક્ષણની હાલત દયનીય બની છે. તેવા જ સમયે અમરેલીમાં  જિલ્‍લા પ્રાથમિક શિક્ષણાધીકારી જોવા મહત્‍વનાં અધિકારીની જગ્‍યા ધણા મહિનાઓથી ખાલી છે. અને માઘ્‍યમિક શિક્ષણાધીકારીને વધારાની જવાબદારી સોંપવમાં આવી છે.
આગામી દિવસોમાં શાળા પ્રવેશોત્‍સવ અને કન્‍યા કેળવણી જેવા કાર્યક્રમો યોજાશે. અને તેમાં અધિકારીઓ અને પદાધિકારીઓ શિક્ષણની ચિંતા કરવાનું નાટક કરશે. પરંતુ, પાયાની જરૂરીયાત પુરી કરવાનું કોઈને સુઝતું નથી. અને જયારે, પ્રાથમિક શિક્ષણની હાલત કથળતી હોય તો ભવિષ્‍ય કેવી ઉજજવળ બનશે તેવો વેધક પ્રશ્‍ન શિક્ષણવિદમાં ઉભો થઈ રહયો છે.