Main Menu

ચલાલામાં સ્‍ટેટ બેન્‍કઈન્‍ડિયાનું એટીએમ શોભાનાં ગાંઠીયા સમાન

ચલાલા, તા.11
ચલાલા શહેર અને આજુબાજુના વીસેક જેટલા ગામડાના લોકો માટે ચલાલા શહેરમાં એસ.બી.આઈ. દ્વારા એ.ટી.એમ.ની સુવિધા પ્રાપ્‍ત થયેલ છે. આ એ.ટી.એમ.માં માત્ર પૈસા ઉપાડી શકાય છે. તેમાં પૈસા જમા કરવા સાથે બુક એન્‍ટ્રી મશીનની સુવિધા વધે તે માટે ચલાલા શહેર ભાજપના યુવાન, ઉત્‍સાહી પ્રમુખ કેતન સરવૈયાએ તેમની ટીમ સાથે ચલાલા એસ.બી.આઈ.ના મેનેજરને અને જિલ્‍લા સાંસદને લેખીત અને મૌખિક ધારદાર રજૂઆત કરવામાં આવેલ છે. યુવા ભાજપ કેતન સરવૈયાએ જણાવેલ છે કે, જો એસ.બી.આઈ. દ્વારા એ.ટી.એમ.માં પૈસા જમા કરાવવાની અને બુક એન્‍ટ્રીની સુવિધા પ્રાપ્‍ત કરવામાં આવે તો વેપારી મિત્રો અને આમ જનતાને બેંકની લાઈનમાં ઉભા રહી તેમના ટાઈમનો વેડફાટ ન થાય અને સહેલાઈથી બેંકીંગ કામ કરી શકે. યુવા ભાજપની આ રજૂઆતથી વેપારી મિત્રોમાં આનંદની લાગણી પ્રસરી છે. અને યુવા ભાજપની રજૂઆતને બિરદાવેલ છે.