Main Menu

વીકટરમાં ગટરની જરૂર છે ત્‍યાં ગ્રામ પંચાયત પાઈપલાઈન નાખી રહી છે

રાજુલા તાલુકાનું વિકટર ગામ અનેક સમસ્‍યાઓથી ઘેરાયેલું છે. આ અંગે અવારનવાર અખબારોમાં સમાચાર પ્રસિઘ્‍ધ થતા હોય છે. ગામમાં સ્‍મશાનની સમસ્‍યા હોય કે પછી પ્રાથમિક શાળામાં શિષ્‍યવૃતિ કૌભાંડ કે પછી રોડ-રસ્‍તા ગટરની સમસ્‍યા હોય કે પછી દારૂબંધી, જુગાર હોય આવા અનેક પ્રશ્‍નો વિકટર ગામમાં છે. છતાં પણ ગ્રામ પંચાયત પ્રશ્‍નોનું નિરાકરણ લાવવામાં નિષ્‍ફળ નીવડી છે. વિકટરના નેસડા વિસ્‍તારની શેરી નં.-1માં આઝાદીથી આજદિન સુધી ગટર કે રોડ બનાવવામાં જ આવ્‍યા નથી. કારણ કે ગ્રામપંચાયત આ વિસ્‍તાર પ્રત્‍યે ભેદભાવ ભર્યું વર્તન કરે છે. તેવું સ્‍થાનિક લોકોનું કહેવું છે. આ વિસ્‍તારના લોકોએ વારંવાર રજૂઆતો કરવામાં આવી. ત્‍યાર બાદ નાયબ કલેકટર આ વિસ્‍તારની મુલાકાત લીધી હતી અને કહયું હતું કે એટીવીટીનું આયોજન થાય ત્‍યારે આ વિસ્‍તારને ગટરની ફાળવણી કરવામાં આવશે. કલેકટરે આપેલી આ બાંહેધરી પ્રમાણે વિકટર ગામને 300 મીટર ગટરની ફાળવણી પણ કરવામાં આવીપરંતુ જે વિસ્‍તારમાં ગટરની સમસ્‍યા હતી ત્‍યાં ગ્રામ પંચાયતને ગટર બનાવવામાં રસ જ નથી ત્‍યાં ગ્રામ પંચાયત દ્વારા પાણીના નિકાલ માટે પાઈપ લાઈન નાખી રહયા છે. તે પાઈપલાઈન ઉંડી પણ નાખવામાં આવી નથી. આ વિસ્‍તારના લોકોની એને એ જ હાલત રહી છે. તો ગટરની મંજૂરી મળી ગઈ છતાં પણ આવા પાઈપલાઈનનો ખર્ચો કરવાની શું જરૂર ? કે પછી ગ્રામ પંચાયત આ વિસ્‍તારમાં ગટર બનાવવા જ ના માંગતી હોય તેવું સ્‍થાનિક લોકોનું કહેવું છે.