Main Menu

અમરેલી નાગરિક જિલ્‍લા સહકારી સંઘનાં સંયુકત ઉપક્રમે સહકારી બેંકીંગ સેમિનાર યોજાયો

????????????????????????????????????

ગુજરાત રાજય સહકારી સંઘ, અમદાવાદની સહકારી શિક્ષણ તાલીમની યોજના અન્‍વયે અમરેલી નાગરિક સહકારી બેંક લી. તથા અમરેલી જીલ્‍લા સહકારી સંઘના સંયુકત ઉપક્રમે અમરેલી નાગરિક સહકારી બેંક લી. અને સાવરકુંડલા નાગરિક સહકારી બેંકલી.ના બોર્ડ ઓફ ડિરેકટર્સ તેમજ કર્મચારીઓ માટેનો નાગરિક બેંક શૈક્ષણિક સેમિનાર તારીખ 09/06ના રોજ હોટલ એન્‍જલ ખાતે યોજવામાં આવ્‍યો. આ કાર્યક્રમનું દિપ પ્રાગટય કરી ઉદ્‌ઘાટન નાફસ્‍કોબ અને ગુજકોમાશોલના ચેરમેન દિલીપભાઈ સંઘાણી, અમરેલી માર્કેટયાર્ડના ચેરમેન પી. પી. સોજીત્રા, અમરેલી નાગરિક સહકારી બેંકના ચેરમેન ભાવિનભાઈ સોજીત્રા, વાઈસ ચેરમેન મુજજફરહુસેન સૈયદ તથા મેનેજીંગ ડિરેકટર જયેશભાઈ નાકરાણી, અમરડેરીના ચેરમેન અશ્‍વિનભાઈ સાવલીયા વગેરે મહાનુભાવોના વરદ હસ્‍તે કરવામાં આવ્‍યું. ત્‍યારબાદ ઉપસ્‍થિત તમામ મહેમાનોનું પુષ્‍પગુચ્‍છથી સ્‍વાગત કરવામાં આવ્‍યું. આ કાર્યક્રમમાં ખાસ તજજ્ઞ પ્રવર્ચનકાર તરીકે ગુજરાત રાજય સહકારી સંઘ, અમદાવાદના ટ્રેનીંગ ડાયરેકટર જે. જે. શાહ તેમજ રાજકોટ કોમર્શીયલ કો-ઓપરેટીવ બેંકના જનરલ મેનેજર પુરૂષોતમભાઈ પીપળીયા તથા ડેપ્‍યુટી જનરલ મેનેજર પ્રકાશભાઈ શંખાવાલાએ બેંકીંગ ક્ષેત્રના અગત્‍યના વિષયો ઉપર દિવસ દરમ્‍યાન સવિસ્‍તાર સમજ પુરી પાડેલ. ઉદ્‌ઘાટક પી. પી. સોજીત્રાએ જણાવ્‍યુ કે આવા સેમિનારો ર્ેારા ડિરેકટરો અને કર્મચારીઓમાં અદ્યતન માહિતી મળી રહે છે અને બેંકના પ્રોફેશ્‍નલ મેનેજમેન્‍ટમાં મદદ મળે છે જેથી સૌએ આનો પુરતો લાભ લેવો જોઈએ. જિલ્‍લા બેંકનાવાઈસ ચેરમેન અરૂણભાઈ પટેલ તેમજ અમરડેરીના ચેરમેન અશ્‍વિનભાઈ સાવલીયા, રાજય સંઘના ડિરેકટર મનિષભાઈ સંઘાણીએ પ્રેરણાત્‍મક પ્રાસંગોચિત વકત્‍વયો આપ્‍યા. અઘ્‍યક્ષસ્‍થાનેથી બોલતા દિલીપભાઈ સંઘાણીએ નાફસ્‍કોબના ટ્રેનીંગ કાર્યક્રમમાં પોતાના બેંગલોર ખાતેના સ્‍મરણો વાગોળ્‍યા હતા તેમજ સહકારીતાના હાલના સારા નરસા પાસાઓની વિસ્‍તૃત ચર્ચા કરી હતી તેમજ કર્મચારીઓને સેમિનારનો પુરતો લાભ લેવાનો અનુરોધ કર્યો હતો. રાજયના રીટાયર્ડ જોઈન્‍ટ રજીસ્‍ટ્રાર તેમજ રાજય સંઘના ટ્રેનીંગ ડાયરેકટર જે. જે. શાહ તેમજ રાજકોટ કોમર્શીયલ કો-ઓપરેટીવ બેંકના જનરલ મેનેજર પુરૂષોતમભાઈ પીપળીયા તથા ડેપ્‍યુટી જનરલ મેનેજર પ્રકાશભાઈ શંખાવાલાએ પોતાની આગવી શૈલીમાં જનરલ બેંકીંગ, રીકવરી, ડોકયુમેન્‍ટેશન ઈન અર્બન બેંકસ, આર.બી.આઈ. ઈન્‍સ્‍પેકશન વખતે ઘ્‍યાનમાં રાખવાના મુદા અને કો-ઓપરેટીવ કાયદાની અગત્‍યની કલમો વગેરે વિષયો પર વિસ્‍તુત માહિતીસભર પ્રવચનો આપ્‍યા હતા. કાર્યક્રમને સફળ બનાવવા માટે અમરેલી નાગરિક સહકારી બેંક લી. જનરલ મેનેજર આવિષ્‍કારભાઈ ચૌહાણ, જિલ્‍લા સંઘના એકઝીકયુટીવ ઓફીસર ભરતભાઈ પટેલ, સી.ઈ.આઈ. એસ. પી. ઠાકર તેમજ નાગરિક બેંકના સમગ્ર સ્‍ટાફે ખુબ જ જહેમત ઉઠાવી. આ કાર્યક્રમમાં 70 જેટલાડિરેકટરો તેમજ કર્મચારીઓ ભાગ લીધો હતો. અંતે કાર્યક્રમની આભાર વિધી જીલ્‍લા સંઘના સી.ઈ.આઈ. એસ. પી. ઠાકરે કરેલ હતી તેવુ અત્રેની અખબારી યાદીમાં જણાવવામાં આવે છે.