Main Menu

નવનિયુકત એસપીનાં આદેશથી સ્‍પેશ્‍યલ ઓપરેશન ગૃપનો સપાટો

અમરેલી જિલ્‍લાનાં ખનીજ માફીયાઓ સામે લાલ આંખ
હાઈકોર્ટનાં મનાઈ હુકમનું ઉલ્‍લંઘન કરનાર શખ્‍સોનાં લાખો રૂપિયાનાં વાહનો કબ્‍જે કરાયા
છેલ્‍લા 4 વર્ષથી ખુલ્‍લેઆમ થતી ખનીજ ચોરી સામે સૌપ્રથમ કડક કાર્યવાહી થઈ
અમરેલી, તા. 9
નિર્લિપ્‍ત રાય પોલીસ અધિક્ષક અમરેલીનાઓએ અમરેલી જિલ્‍લા શેત્રુંજી તથા અન્‍ય નદીઓ પસાર થતી હોય અને સદરહું નદીમાં ઈકો ઝોનના હિસાબે કોઈ પણ પ્રકારના ખનીજનું ખનન કરવાનો મનાઈ હુકમ હોય તેમ છતાં અમરેલી જિલ્‍લામાં રેતી ચોરી કરવાનું દુષણ શરૂ હોય અને ખનીજ ચોરી કરતાં તત્‍વો રોયલ્‍ટીની ચોરી કરતાં હોય તેમજ પર્યાવરણને નુકશાન કરતાં હોય જેથી રેતી ચોરી સદંતર બંધ કરાવવા સુચના આપેલ હોય જે અન્‍વયે બી.એમ.દેસાઈ, નાયબ પોલીસ અધિક્ષકના માર્ગદર્શન હેઠળ એસ.ઓ.જી.ના પોલીસ સબ ઈન્‍સ. આર.કે.કરમટા તથા ટીમે રેતી ચોરી કરતાં ઈસમોને ઝડપી પાડેલ છે.
(1) સા.કુંડલા તાલુકાના ધાંડલા ગામે ઉજવળી નદીમાં રેતી ચોરી કરતા બે ટ્રેકટર – ટ્રોલી સહીત રેતી ભરેલ કુલ કિ.રૂા. 6,33,000 (છ લાખ ત્તેત્રીસ હજાર) ના મુદમાલ સાથે ઝડપી લઈ આરોપી ટ્રેકટરના ડ્રાઈવર (1) ઘનશ્‍યામભાઈ હરીભાઈ ચાવડા (ર)અતુલ ઉર્ફે મુન્‍નો સુરેશભાઈ રણોલીયા રહે.બન્‍ને વીજપડી તથા ટ્રેટકરના માલીક (1) ગોવિંદભાઈ લીંબાભાઈ ખેરાળા (ર) મધુભાઈ પતાભાઈ જોગરાણા, રહે.વીજપડી તથા ભયલુભાઈ દોહલભાઈ ચાંદુ, રહે. ધાંડલા વાળાઓ વિરૂઘ્‍ધ રેતી ચોરી અંગેના ગુન્‍હાઓ દાખલ કરાવેલ છે. આગળની વધુ તપાસ સાવરકુંડલા રૂરલ પોલીસને સોંપવામાં આવેલ છે.
(ર) અમરેલી ગોખરવાળા પુલ પાસે શેત્રુંજી નદીમાં રેતીનું ખનન કરતું લોડર -1 તથા રેતી ચોરી કરતા ડમ્‍પર -3 મળી કુલ કિ.રૂા.વીસ લાખ દસ હજારના મુદામાલ સથે આરોપી (1) કાંતીભાઈ રામસીંગભાઈ સંગોર (ઉ.વ.રર) ધંધો-ડ્રાઈવીંગ રહે. અમરેલી સા.કુંડલા ચોકડી મુળ વતન-કાલાપાન, તા.રાણાપુર, જિ. જાબવા, મઘ્‍યપ્રદેશ થાણું રણાપુર (ર) ઘનશ્‍યામભાઈ જીણાભાઈ સાથળા (ઉ.વ.રપ) ધંધો-ડ્રાઈવીંગ, રહે. ચાંદગઢ, તા.જી અમરેલી (3) અમરદિપભાઈ વલકુભાઈ વાળા (ઉ.વ.ર3) ધંધો-ડ્રાઈવીંગ, રહે. વરસડા, તા.જી.અમરેલી, (4) દાઉદસા લલુસા પઠાણ, રહે. અમરેલી (પ) અજયભાઈ કનુભાઈ તળાવીયા (ઉ.વ.ર3) ધંધો- ડ્રાઈવીંગ, રહે. પુષ્‍કરધામ સોસાયટી, લાઠી રોડ વાળાએ વિરૂઘ્‍ધ રેતી ચોરી અંગેના ગુન્‍હાઓ દાખલ કરાવેલ છે. આગળની વધુ તપાસ અમરેલી તાલુકા પોલીસ સ્‍ટેશન ખાતે સોંપવામાં આવેલ છે.
આમ, અમરેલી જિલ્‍લામાં રેતી ચોરી કરતાં ટ્રેકટરો,લોડર, ડમ્‍પર સહિત કુલ રૂા. ર6,43,000 (છવ્‍વીસ લાખ તેતાલીસ હજાર પુરા)નો મુદામાલ કબ્‍જે કરવામાં આવેલ છે.
ઉપરોકત કામગીરી એસઓજીના પોલીસ સબ ઈન્‍સ. આર.કે. કરમટા તથા સ્‍ટાફના પ્રકાશભાઈ જોષી, તથા ભાષ્‍કરભાઈ નાંદવા, તથા સુભાષભાઈ ધોધારી તથા રાહુલભાઈ ચાવડા તથા દેવરાજભાઈ કળોતરા તથા દશરથસિંહ સરવૈયા તથા પિયુષભાઈ ઠાકર, તથા જયસુખભાઈ આસલીયા તથા હરેશભાઈ વાણીયા, તથા જેસીંગભાઈ કોચરાનાઓએ કરેલ છે.