Main Menu

બાબરા શહેરમાં કોંગી આગેવાનો દ્વારા ભાજપવિરૂઘ્‍ધ ઘંટરાવ કાર્યક્રમ યોજાયો

બાબરા, તા.9
રાજયમાં ખેડૂતોના દેવામાફી માટે પ્રદેશ કોંગ્રેસ દ્વારા રાજયમાં ભારે દેખાવો ધરણા અને પ્રદર્શન કરવામાં આવી રહયા છે. પ્રદેશ પ્રમુખ અમિતકુમાર ચાવડા અને વિરોધ પક્ષના નેતા પરેશ ધાનાણીના નેતૃત્‍વમાં સમગ્ર રાજયમાં વિરોધ પ્રદર્શન કરવામાં આવી રહયું છે.
ત્‍યારે બાબરામાં પ્રદેશ કોંગ્રેસની સૂચના અને માર્ગદર્શન હેઠળ જિલ્‍લા કોંગ્રેસ અગ્રણી પ્રભાતભાઈ કોઠીવાળની આગેવાની હેઠળ અહીંના નાગરીક બેન્‍ક ચોકમાં શહેર કોંગ્રેસ દ્વારા ઘંટરાવ કાર્યક્રમ યોજાયો હતો.
આ કાર્યક્રમમાં તાલુકા પંચાયત અને નગરપાલિકાના સભ્‍યો તેમજ શહેર કોંગ્રેસના પ્રમુખ સહિતના આગેવાનો જોડાયા હતા.
જિલ્‍લા કોંગ્રેસ અગ્રણી પ્રભાતભાઈ કોઠીવાળના જણાવ્‍યા અનુસાર રાજયમાં કારમી મોંધવારીના કારણે રાજયનો ખેડૂત દેવાદાર બન્‍યો છે. ખેતી ડૂબમાં જય રહી છે. પેટ્રોલ ડીઝલના ભાવ આસમાને પહોચ્‍યા છે. શાકભાજીના ભાવમાં પણ ભારે ઉંછાળો થઈ રહયો છે. ત્‍યારે રાજય અને કેન્‍દ્રની ભાજપની સરકાર મુંગી અને આંધળી બની તમાશો જોઈ રહી છે.
ત્‍યારે કોંગ્રેસ દ્વારા થાળી વેલણ વગાડી સરકારમાં બેઠેલ ભાજપના આગેવાનો જગાડવાનો નવતર કાર્યક્રમ યોજવામાં આવ્‍યો હતો.