Main Menu

સાવરકુંડલામાં સોની વેપારીની દુકાનમાં ગઠીયાઓનું કારસ્‍તાન

ચોરને ચાર આંખ હોય તે સાબિત થયુ
સાવરકુંડલામાં સોની વેપારીની દુકાનમાં ગઠીયાઓનું કારસ્‍તાન
સાવરકુંડલા, તા.9
સાવરકુંડલાની હવેલી શેરીમાં આવેલ સોની બજારમાં વેપારીની નજર ચુકવી રોકડ રકમ રૂા.1ર હજારની તફડંચી કરી નાસી જતા વેપારીઓમાં ભારે ફફડાટ વપરાયેલ છે. ઘટનાં અંગે પોલીસ ફરીયાદ નોંધાવવા કાર્યવાહી હાથ ધરાયેલ છે.
પ્રાપ્‍ત વિગત મુજબ આજે સાંજના પાંચેક વાગ્‍યાના સુમારે રાહદારીઓ – ખરીદારોથી સતત ધમધમાતા રહેતી હવેલી શેરીમાં સોની બજારમાં આવેલ હિરવા જવેલર્સ નામની સોના-ચાંદીની દુકાનમાં બે અજાણ્‍યા શખ્‍સોએ આવી વેપારીને દાગીના ખરીદવની વાતમાં પરોવી નજર ચુકવી ગલ્‍લામાં રહેલા રૂા.1ર હજારની રોકડ રકમની તફડંચી કરી નાસી ગયાની ઘટનાથી વેપારીઓમાં હલચલ મચી ગયેલ હતી. આ બને શખ્‍સો બાજુમા આવેલ સોના-ચાંદીની દુકાનમાં સોનાની બુટી ખરીદવા માટે ગયેલા અને ત્‍યાં હાથ અજમાવવાની તક નહી મળત બાજુની દુકાનમાં કળા કરી ગયેલ હતા. ઘટના અંગે પોલીસ ફરીયાદ નોંધાવા કાર્યવાહી હાથ ધરાયેલ છે.સાવરકુંડલામાં દર શનિવારે ભરાતી બજારમાં આવા તસ્‍કરો ખાબકતા હોવા અંગે પોલીસે બંદોબસ્‍ત મુકવા માંગણી ઉઠેલ છે.