Main Menu

દામનગરનાં પોસ્‍ટકર્મીએ ટૂંકા ગાળામાં 3 હજાર ખાતા ખોલ્‍યા

ખરા અર્થમાં કર્મયોગી સાબિત થયા
દામનગરનાં પોસ્‍ટકર્મીએ ટૂંકા ગાળામાં 3 હજાર ખાતા ખોલ્‍યા
દામનગર, તા.9
સરાકડીયા (તા. ખાંભા)થી દામનગર પોસ્‍ટ સેવામાં અનેક કામગીરીથી ખુશ ગ્રાહકો અને લોકોમાં અનેરૂ સ્‍થાન અંકિત કરનાર પરેશભાઈ મનસુખભાઈ મહેતા (રાજગોર બ્રાહ્મણ)એ સૌ પ્રથમ સરાકડીયામાં ગ્રામીણ ડાક સેવક તરીકે જોડાયા અને તેર વર્ષ ફરજ બજાવી ર013માં પોસ્‍ટમેનની પરીક્ષા પાસ કરી બદલી સાથે બઢતીમળતા દામનગર પોસ્‍ટ ઓફિસમાં પોસ્‍ટીંગ થયું.
અમરેલી જિલ્‍લા, રાજય અને રાષ્‍ટ્રીય કક્ષાએ યુનિયનમાં આપી અમરેલી જિલ્‍લાના પોસ્‍ટલ યુનિયન સાથે સેક્રેટરી તરીકે બે વર્ષ સેવા આપી.
રાઈટ ટુ ઈન્‍ફોર્મેશન એકટના કોઈપણ વ્‍યકિતને વિના મૂલ્‍યે અરજી લખી આપતા પરેશભાઈએ લાઠી સબ ડિવીઝનમાં 3 વર્ષની અંદર લક્ષ્યાંકના પ000 ખાતા ખોલવામાં મદદ કરી. ટૂંકા ગાળામાં નામના કરતા સેવા કરવામાં માનતા પરેશભાઈએ નોટબંધીના સમયમાં નવા ખાતા ખોલાવવામાં સતત 1ર-1ર કલાક કામ કરી ગ્રાહકોમાં સંતોષની લાગણી થઈ હતી. પોસ્‍ટ વિભાગમાં કોઈપણ કર્મચારીને અન્‍યાય થતો હોય આરટીઆઈ મુજબ લડત કરી ન્‍યાય માટે સંઘર્ષ કરી કેસને સફળતા તરફ લઈ જાય છે.
પોસ્‍ટની તમામ યોજનાઓની લોકોમાં જાગૃતિ આવે તેવા હેતુથી સરળતાથી સમજણ આપવામાં માહેર પરેશભાઈએ ગ્રાહકોની સુરક્ષા માટે સાયકલ લઈને ફરી કોઈપણ વ્‍યકિત અવાજ કરે એટલે તુરંત ઉભા રહીને સંતોષકારક જવાબ આપી પોસ્‍ટ વિભાગનું નામ રોશન કરતા આ કર્મચારીએ પ્રિન્‍ટ મીડિયામાં પણ સેવા આપી છે.
સ્‍થાનિક લેવલના પ્રશ્‍નોની ઉચ્‍ચસ્‍તરે રજૂઆત કરી નિરાકરણ લાવવામાં યોગદાન કરતા પરેશ મહેતાને દામનગરની જનતા અભિનંદન પાઠવે છે.