Main Menu

વડીયામાં આવતીકાલે ખુંખાર ડાકુ પંચમસિંહ જીવનક્રાંતિનાં વિચારો રજૂ કરશે

વડીયા, તા.9
વડીયા ખાતે પ્રજાપિતા બ્રહ્માકુમારી ઈશ્‍વરીય વિશ્‍વ વિદ્યાલય દ્વારા આયોજિત કાર્યક્રમ તા.11/6ને સોમવારે રાત્રે 8:30 કલાકે ભવાની ચોક લેઉવા પટેલ સમાજમાં ચંબલની ખીણમાં પપ0 સાગરીતોનો ખુંખાર ડાકુ પંચમસિંહ જે કીડી મકોડાની જેમ હત્‍યાઓ કરતો પરંતું તેના જીવનમાં આઘ્‍યાત્‍મિક જયોતિ પ્રગટી અને વાલીયા લૂંટારામાંથી વાલ્‍મીકિ બનવા જેવી સત્‍ય ઘટના બની. તો આવા ખુંખાર ડાકુને મળવા તેના પ્રચંડ વિચારોને સાંભળવાનો લ્‍હાવો લેવા જાહેર જનતાને બ્રહ્માકુમારી મંજુબેન આમંત્રણ આપે છે. સાથો સાથ આ કાર્યક્રમમાં રાજયોગથી પ્રાપ્‍ત મનોબળના આધારે દાંતથી ટ્રક ખેંચવાનો કાર્યક્રમ રાખેલ છે. રાજયોગી બ્રહ્માકુમાર આશિષભાઈ જેઓ રર વર્ષથી રાજયોગનો અભ્‍યાસ કરી રહેલ છે. આશિષભાઈ મનોબળના આધારે પોતાના દાંતથી બસ, ટ્રક જેવા મોટા વાહનો ખેંચી શકે છે ત્‍યારેવડીયામાં પણ આવો કાર્યક્રમ યોજાશે.