Main Menu

બાંકડામાં કરોડો રૂપિયા બગાડનાર સાંસદને ઘરભેગા કરાશે : ધારાસભ્‍ય  ઠુંમર

ચમારડીમાં કોંગી ધારાસભ્‍ય વિરજી ઠુંમરે ભાજપને આડેહાથ લીધું
બાંકડામાં કરોડો રૂપિયા બગાડનાર સાંસદને ઘરભેગા કરાશે : ધારાસભ્‍ય  ઠુંમર
સ્‍થાનિકભાજપીઓ વિરજી ઠુંમર તો દુર તેમનાપુતળાને પણ સાચવી શકવા સક્ષમ નથી
બાબરા, તા. 9
બાબરા તાલુકાના ચમારડી ગામે યોજેલ કાર્યક્રમ નિમિતે બાબરા વિસ્‍તારમાં ધારાસભ્‍ય બન્‍યા પછી પ્રથમવાર ચમારડી ગામે પધારતા વિરજીભાઈ ઠુંમર દ્વારા ગામ લોકોની ઉપસ્‍થિતી વચ્‍ચે સંબોધતા જણાવ્‍યું હતું કે અમરેલી જિલ્‍લાના પ્રભારી અને કૃષિમંત્રી આર.સી.ફળદુ વારંવાર ચમારડી મુકામે ખાલી જમવા માટે પધારે છે. અને તેવોને અમરેલી જિલ્‍લાના ખેડૂતોની ચિંતા પણ નથી તેવું શાબ્‍દીક પ્રવચન ધારાસભ્‍ય ઠુંમરે કર્યુ હતું. ત્‍યારે વધુમાં જણાવતા હાલમાં ભાજપ સરકાર દ્વારા તળાવો નદીઓ ઉંડી ઉતારવા માટે અને સ્‍વચ્‍છતા અભિયાન માટે સુજલામ-સુફલામ યોજના હતી જે ખાલી એક પ્રકારનું ઘતિંગ હતું. અને આવી યોજનામાં ખાલી ફોટા પડાવી નાટક કરી ખેડૂતોનું મન રાજી રાખવાની યોજના હતી.
ત્‍યારે વિરજીભાઈ ઠુંમરે જણાવ્‍યું હતું કે થોડા સમય પહેલા મારા વિરૂઘ્‍ધ અમરેલી જિલ્‍લામાં અભદ્ર ટીપ્‍પણીનું જે વાવાઝોડુ ચાલ્‍યું હતું જેમા બાબરામાં ભાજપના કાર્યકર્તાઓ દ્વારા પુતળા દહનનો જે કાર્યક્રમ યોજવામાં આવ્‍યો હતો. જેમાં કાર્યકર્તાઓ દ્વારા પૂતળા દહનનો જે કાર્યક્રમ યોજવામાં આવ્‍યો હતો. તેમા કાર્યકર્તાઓ પુતળુ પણ સાચવિ ન શકયા હતા. જેવા અનેક મુદ્‌ાઓને ઘ્‍યાનમાં લઈને ધારાસભ્‍યઠુંમર દ્વારા ગોપાલ શેઠના વતનમાં જઈને ભાજપ સામે આકરા પ્રહારો કર્યા હતા.
ત્‍યારે આગામી લોકસભા ચુંટણી નજીક આવતી હોય ત્‍યારે અમરેલી જિલ્‍લાના પાંચ ધારાસભ્‍ય દ્વારા લોકસભા ચુંટણીમાં ખાલી બાકડા આપનાર સાંસદને પણ ઘર ભેગા કરી દેવાના મુડમાં વિરજીભાઈ ઠુંમરે લલકાર કર્યો હતો.