Main Menu

બાબરામાં જીવદયા પરિવારે નિરાધાર પશુઓને રેડિયમ પટ્ટી લગાડી સેવાનું કાર્ય કર્યુ

બાબરા, તા.8
બાબરામાં નિરાધાર પશુઓ રાત્રિ વખતના રોડ પર બેસતા હોય છે. જેના કારણે ગંભીર અકસ્‍માત સર્જાય છે. જેમાં પશુઓને ગંભીર ઈજાઓ થાય છે. અને મૃત્‍યુ પામે છે. તેમજ વાહન ચાલકોનેગંભીર ઈજાઓ થાય છે.
ત્‍યારે આ પ્રકારના અકસ્‍માતનો સર્જાય અને રોડ પર બેસતા નિરાધાર પશુઓ વાહન ચાલકોને નજરે ચડે તે માટે બાબરા  જીવદયા પરિવારના સભ્‍યો દ્વારા ગાયમાતા સહિતના પશુધનના શીંગડા પર રેડિયમ લગાડવાની કામગીરી કરવામાં આવી રહી છે.
જીવદયા પરિવારના સભ્‍ય મૌલિક તેરૈયાના જણાવ્‍યા અનુસાર આગામી ત્રણ દિવસમાં શહેરમાં આવેલ તમામ નિરાધાર પશુધનને રેડિયમ લગાડી સુરક્ષિત કરવામાં આવશે. દરરોજ રાત્રીના દસ જેટલા સભ્‍યો શહેરના અલગ અલગ વિસ્‍તારમાં વસવાટ કરતા નિરાધાર પશુઓને રેડિયમ લગાડવાની કામગીરી કરી રહયા છે.
આગામી દિવસોમાં ચોમાસાની સીઝનનો પ્રારંભ થશે અને ત્‍યારે મોટા પ્રમાણમાં પશુઓ રોડ વચ્‍ચે બેસી જાય છે. અને અકસ્‍માતનો ભોગ બને છે. એક અંદાજ મુજબ બાબરામાં વર્ષ દરમિયાન અકસ્‍માતના કારણે ચાલીસથી પચાસ જેટલ પશુઓ મૃત્‍યું પામે છે.
ત્‍યારે શહેરની નિરાધાર પશુ અકસ્‍માતનો ભોગ ન બને તે માટે બાબરા જીવદયા પરિવારના સભ્‍યો દ્વારા શિંગ પર રેડિયમ લગાડવાની કાર્યવાહી કરવામાં આવી રહી છે.