Main Menu

સાવરકુંડલામાં દરબારગઢનો માર્ગ અતિ બિસ્‍માર બન્‍યો

સાવરકુંડલા શહેરની મઘ્‍યમાં આવેલ વિશાળ દરબારગઢ ખાતે હાલ સાવરકુંડલા નગરપાલિકા કચેરી, સીટી સર્વે ઓફિસ, એસ.બી.આઈ. બેંક, દેના બેંક, અને ઐતિહાસિક જશોનાથ મહાદેવ મંદિર આવેલ છે. આ તમામ ઓફિસો ખાતે દરરોજ અસંખ્‍ય લોકો પોતાના કામકાજ માટે અવર-જવર કરે છે. સાવરકુંડલા નગરપાલિકા કચેરી દરબારગઢમાં આવેલ હોવાથી પાલિકાના 36 ચૂંટાયેલા સદસ્‍યો તથા ચીફ ઓફિસર, આજ રસ્‍તા પર દરરોજ ઓફિસે જતા હોવા છતાં આ રોડ બનાવેલ નથી. જયારે પાલિકાના અમુક કાઉન્‍સિલરોના ઘર સુધીના રોડ બની ગયા છે. છતાં આ રોડ બનાવવા માટે પાલિકાના સદસ્‍યો કયારેમુહૂર્ત જોશે તે જોવનું રહયું. દરબારગઢનો આ મુખ્‍ય રોડ તાત્‍કાલીક બનાવવામાં આવે તે ખાસ જરૂરી છે. હાલ આ રસ્‍તા ઉપર ચડાણ અને મોટા મોટા ખાડાઓ પડવાથી દરરોજ એક બે વ્‍યકિતઓ પડી જવાના બનાવો બની રહયા છે.