Main Menu

અરેરાટી : રાજુલાનાં કડીયાળી ગામ નજીક ર બાઈક સામસામે અથડાતા ર યુવકનાં મોત

અન્‍ય ર યુવકોને ગંભીર ઈજા થતાં સારવારમાં ખસેડાયા
વીકટર,તા. પ
ભાવનગર ઉના નેશનલ હાઈવે બિસ્‍માર હોવાના કારણે અવાર-નવાર અહીં નાના-મોટા અકસ્‍માતો સર્જાયા કરે છે. ત્‍યારે આજે ફરી એક વાર અહીં કડીયાળી ગામ પાસે બે બાઈક સામસામા ધડાકાભેર અથડાતા બે યુવકોના ઘટના સ્‍થળે મોત નિપજયા હતા. જયારે અન્‍ય બે યુવકોને ગંભીર ઈજાઓ થતાં 108ની મદદ વડે સારવાર અર્થે રાજુલા સિવિલ હોસ્‍પિટલ ખાતે ખસેડવામાં આવ્‍યા હતા.
પ્રાપ્‍ત વિગતો અનુસાર રાજુલા મહુવા રોડ પર આવેલ  કડીયાળી ગામ પાસે આવેલ ટી.ટી. કોટન નજીક બની હતી. અહીં હાઈવે પર જી.જે.01સી.કયુ. 344 બોકસર બાઈક અને જી.જે.01 ડી.સી. 1399 હોન્‍ડા બાઈક બપોરના 1 વાગ્‍યાના સુમારે સામસામા અથડાયા હતા. બંને બાઈક ડબલ સવારીમાં જતા હોવાથી બોકસર ચાલક સંજયભાઈ ભરતભાઈ સોલંકી રહે. રાજુલા (ઉ.વ.આ. 30) બીજા            કાળુભાઈ ચંદુભાઈ પરમાર રહે. રાજુલા (ઉ.વ.આ. ર8) આ બંનેના ઘટના સ્‍થળે મોત નિપજયા હતા. જયારે સામી બાઈકના ચાલક ચાંચ બંદર હોવાનું જાણવા મળી રહયું હતું. તેનું ઘટના સ્‍થળે જ માથાના ભાગે ગંભીર ઈજાઓથી ઘટના સ્‍થળે જ બંનેના કમકમાટી ભર્યા મોત નિપજયા હતા. જયારે સામે કુમારભાઈ ભાનુભાઈ ધુંધળવા રહે. ચાંચ બંદર (ઉ.વ.રપ) અને તેના જ સગા ભાઈ મુકેશભાઈ ભાનુભાઈ ધુંધળવા (ઉ.વ.30) બંને યુવકો ફંગોળાઈજતા ગંભીર રીતે ઘવાયા હતા. ત્‍યારે તેઓને વિકટરના યુવકો યોગેશભાઈ વોરા, રાકેશભાઈ ઓજા, ભાણાભાઈ આહીર, કલ્‍પેશભાઈ ઓજા સહિતનાએ મદદરૂપ થઈને 108ને જાણ કરતા 108 ઈએમટી દક્ષાબેન ચૌહાણ અને પાયલોટ મહાવીરભાઈ તાત્‍કાલિક જઈને સારવારમાં રાજુલા સિવિલ હોસ્‍પિટલમાં ખસેડવામાં આવ્‍યા હતા.
મૃતકો અને ઈજાગ્રસ્‍ત પૈકી ત્રણ કોળી સમાજના યુવકો હોવાનું જાણવા મળતા કોળી સમાજના આગેવાન હોસ્‍પિટલ ખાતે દોડી ગયા હતા. જયારે એક મૃતક દેવીપૂજક હોવાનું જાણવા મળ્‍યું હતું. ઈજાગ્રસ્‍તને વધુ સારવાર અર્થે મહુવા અને ભાવનગર ખસેડવામાં આવ્‍યા છે. બનાવની જાણ થતાં જ મરીન પોલીસના કમલેશભાઈ સહિતનો સ્‍ટાફ ઘટના સ્‍થળે જઈને વધુ તપાસ હાથ ધરી છે.