Main Menu

અમરેલીની પાંચ મહિલાઓએ લોનની રકમ ન ભરતા કોર્ટમાં ફરિયાદ

લોન લઈ ન ભરવામાં હવે મહિલાઓ પણ અગ્રેસર
અમરેલીની પાંચ મહિલાઓએ લોનની રકમ ન ભરતા કોર્ટમાં ફરિયાદ
અમરેલી, તા.પ
સરકાર દ્વારા મહિલાઓ સમાજમાં પુરૂષ સમોવડી બને તે માટે સહયોગ આપવામાં આવે છે. પરંતુ કેટલીક મહિલાઓના લીધે તમામ મહિલા સમાજને અંતરાયરૂપ પ્રશ્‍નો ઉભા થઈ રહેલા છે. તેવો કિસ્‍સો અમરેલીમાં બજવા પામેલછે.
અમરેલી શહેરમાં આવેલ શુભલક્ષ્મી મહિલા શરાફી સહકારી મંડળી લી.એ સ્‍ત્રીઓને ધિરાણ આપતી સંસ્‍થા છે. પરંતુ આ મંડળી પાસેથી મોટી રકમનું ધિરાણ લઈને પોબારાભણી જતાં મંડળીએ વસુલાતની કાર્યવાહી કરતાં ક્રિષ્‍ના ઉર્ફે આરતી દિલીપસિંહ પરમાર રૂા. 19,પ96નો ચેક, ધર્મિષ્ઠા કિરીટભાઈ ત્રિવેદી રૂા. 30,301નો ચેક, જલ્‍પા સુરેશભાઈ વાળા રૂા. 40,140નો ચેક, રેખા ત્રિકમલાલ ભટ્ટ રૂા. ર4,86પનો ચેક, સુંદરીબેન ભાવનદાસ સુખવાણી રૂા. 49,660નો આપેલ ચેક પરત ફરતા તમામ સામે અમરેલી કોર્ટમાં ફોજદારી ફરિયાદ કરવામાં આવેલ છે. અને કોર્ટે તમામ મહિલાઓને સમન્‍સ પાઠવી તેડુ મોકલેલ છે. જે પૈકી કેટલીક મહિલાઓને જેલ ભેગી કરવા પોલીસને પકડ વોરંટ પણ મોકલવામાં આવેલ હોવાનું મંડળીના મેનેજર જીજ્ઞાબેન જોષીની યાદીમાં જણાવવામાં આવેલ છે. મંડળીના વકીલ તરીકે એ.સી. વરીયા કાનૂની કાર્યવાહી કરી રહેલા છે.