Main Menu

અમરેલીનાં નવનિયુકત એસપી  સામેકાયદો-વ્‍યવસ્‍થાનાં અનેક પડકાર

જિલ્‍લામાં બુટલેગરો, ભુમાફીયાઓ, ખનીજ માફીયાઓ બેફામ બન્‍યા હોય
અમરેલીનાં નવનિયુકત એસપી  સામેકાયદો-વ્‍યવસ્‍થાનાં અનેક પડકાર
જો કે નિર્લિપ્‍ત રાય કાર્યદક્ષ અને નિષ્ઠાવાન હોવાથી બેનંબરનાં ધંધાઓ બંધ થવાનું શરૂ
અમરેલી, તા. પ
અમરેલી જિલ્‍લામાં છેલ્‍લા ર વર્ષથી કાયદો અને વ્‍યવસ્‍થાની પરિસ્‍થિતિ એટલી હદે કથળી હતી કે, રાજય સરકારે હવે નિષ્ઠાવાન અને કડક મિજાજી પોલીસ અધિક્ષક નિર્લિપ્‍ત રાયને જવાબદારી સોંપવી પડી છે.
અમરેલીનાં તત્‍કાલીન પોલીસ અધિક્ષક જગદીશ પટેલ પણ તેના કારનામાને લઈને જેલવાસ ભોગવી રહૃાાં છે. જિલ્‍લામાં પોલીસની ધાક ઓસરી જતાં માથાભારે શખ્‍સો બેલગામ બની ગયા હતા. ચોરી, લુંટ, ધાકધમકી, વ્‍યાજખોરી, ખનીજ ચોરી, દારૂ, જુગાર, રોમિયોગીરએ માઝા  મુકી છે
જો કે છેલ્‍લા ર મહિનાથી ઈન્‍ચાર્જ એસપી બી.એમ. દેસાઈએ કાયદો-વ્‍યવસ્‍થા સુધારવા ભારે જહેમત ઉઠાવી હતી પણ તેઓ ચાર્જમાં હોવથી તેઓની અમુક મર્યાદા હોય એ સ્‍વાભાવિક છે.
પરંતુ હવે ગૃહવિભાગે કડક મિજાજી નિર્લિપ્‍ત રાયની નિમણૂંક કરતાં જ આજથી બેનંબરનાં અનેક ધંધાઓનાં શટર બંધ થવાની શરૂઆત થઈ ચુકી છે. અને જિલ્‍લાની જનતા માટે હવે અચ્‍છે દિનની શરૂઆત થઈ ચુકી છે.
નવનિયુકત એસપી નિર્લિપ્‍ત રાય ર010માં ભારતીય પોલીસ સેવામાં જોડાયા તે પહેલા તેઓ ઈન્‍ડિયન રેવેન્‍યુ સર્વિસનાં અધિકારી હતા. મુળ તો તેઓ દિલ્‍હી યુનિવર્સિટીમાં પ્રાઘ્‍યાપકહતા. પોલીસ સેવામાં જોડાયા પછી તેમનો પ્રોબેશનલકાળ હિંમતનગર રહૃાો હતો.
તેઓનું પ્રોબશનલ પુરૂ થતાં તેમને અમદાવાદ ક્રાઈમ બ્રાન્‍ચમાં એસપી તરીકે મુકવામાં આવ્‍યા હતા. બાદમાં એક વર્ષમાં બઢતી મેળવીને અમદાવાદ ઝોન-7માં ડીસીપી બન્‍ય હતા. આ વખતે તેમને અમદાવાદનાં સી.પી. શિવાનંદ ઝા એ બુટલેગર કમલેશ ભૈયાને ત્‍યાં ક્રોસ રેડ કરવાનો આદેશ કર્યો હતો. ત્‍યાં તેઓ ઉપર હુમલો થયો હતો. બાદમાં તેઓને અમદાવાદ રૂરલનાં એસપી બનાવાયા હતા.
બાદમાં તેઓને વલસાડનાં એસપી બનાવાયા જયાં તેઓએ દારૂનાં ધંધાર્થીને ભોંભીતર કરી દીધા હતા. બાદમાં આઈબીમાં અને હવે ખાસ કિસ્‍સામાં અમરેલી મુકવામાં આવ્‍યા છે.
તેઓ સામાન્‍ય અરજદારને સીધી જ મુલાકાત આપતાં હોવાનું પણ ચર્ચાઈ રહૃાું છે. તેઓ અમરેલી જિલ્‍લાની જનતાને ભયમુકત વાતાવરણ પુરૂ પાડશે તેવો આશાવાદ જોવા મળી રહૃાો છે.