Main Menu

આલે લે : વડીયાની એસબીઆઈમાં કામ અર્થે જવું હોય તો બપોરનું જમવાનું ટીફીન લઈને જવું પડે છે

વડીયા, તા.પ
એસ.બી.આઈ.માં પુરતા સ્‍ટાફને અભાવે ખેડૂતો અને વેપારીઓને પડી રહી છે. હાલાકી તંત્રને કેશિયર બારી બીજી ખોલવા માટે અવાર-નવાર બે -બે વર્ષથી રજુઆત કરવામાં આવી રહી છે. છતાં તંત્ર ગાઢ નિંદ્રામાં છે સ્‍ટાફમાં વધારો નથી થતો કે નથી કેશિયર બારી બીજી ખુલતી જેના લીધે ગ્રાહકોનેપડતી હાલાકીનો સામનો કરવો પડે છે. કામ-ધંધા છોડીને લોકોને કલાકો સુધી ઉભુ રહેવું પડે છે. લાંબી કતારોમાં કોઈ જાતની ગ્રાહકોને પડતી મુશ્‍કેલી વિશે તંત્રને પડી ના હોઈ તેવું વાતાવરણ અને જવાબો મળે છે. અભણ ગ્રાહકોને આઠ-દસ દિવસ સુધી ટલ્‍લે ચડાવીને મદમસ્‍ત બેઘ્‍યાન તંત્ર ઉંઘમાં રહે છે. લોકમુખે ચર્ચાઈ રહયું છે કે વચેટિયાઓ મારફતે ફટાફટ કામો થાય છે. તો શું બેંકોમાં એ વચેટિયાઓનું સામ્રાજય આવી પહોંચ્‍યું જો આવુને આવું ચાલ્‍યા કરશે તો ચેમ્‍બર ઓફ કોમર્સ ગાંધી ચીંઘ્‍યા માર્ગે આંદોલન કરવામાં આવશે જેની સંપુર્ણ જવાબદારી એસ.બી.આઈ. બેન્‍કની રહેશે.
અભણ ગ્રાહકને પાસબુકની એન્‍ટ્રી પાડવા માટે કામધંધો છોડીને ગામડેથી ધક્કા ખાવા પડે છે. જો પાસબુકમાં એન્‍ટ્રીમાં વાર લાગે તો કેટલાયે લોકોના એકઉન્‍ટમાંથી ફ્રોડ લોકો દ્વારા રકમો ઉપડી જવાના કેસોની વાતો જાણવા મળે છે. માટે બેન્‍ક તંત્રને એલર્ટ અને સ્‍ટાફમાં વધારો કરવો જોઈએ અને કેશિયર બારી બીજી ખોલવી જોઈએ જેથી ગ્રાહકોને હાલાકીનો સામનોના કરવો પડે અને કામધંધો રજડે નહીં તેવું ગ્રાહકો અને ચેમ્‍બર ઓફ કોમર્સ પ્રમુખ દ્વારા જણાવ્‍યું છે.