Main Menu

ખેડૂતોનું દેવુ માફ કરો નહી તો ભાજપ સરકારને સાફ કરો : પરેશ ધાનાણી

વિધાનસભાવિરોધપક્ષનાં નેતા પરેશ ધાનાણી લાલઘુમ થયા
ખેડૂતોનું દેવુ માફ કરો નહી તો ભાજપ સરકારને સાફ કરો : પરેશ ધાનાણી
ખેડૂતોનાં પ્રશ્‍ને આગામી 8મી જુનથી 10મી જુન સુધી જેલભરો આંદોલનની જાહેરાત
ગાંધીનગર, તા. પ
ગુજરાતમાં ભાજપની સરકાર દ્રારા છેલ્લા બે દાયકામાં ખેડુતોના નામે માત્ર મોટી અને ખોટી વાતો કરવામાં આવે છે. કરોડો રૂપિયાના ખર્ચે ગુજરાતમાં કૃષિમેળાના નાટકો ભજવાઈ રહ્યા છે. પરંતુ ખેડુતોના મુળભુત પ્રશ્નોનું નિરાકરણ કરવામાં અને ખેડુતોના હિતોનું રક્ષણ કરવામાં ગુજરાતની ભાજપ સરકાર સદંતર નિષ્‍ફળ ગયેલી છે. ખેડુતોના આત્‍મહત્‍યાના બનાવો સતત બનતા રહે છે પરંતુ સરકારની આંખ ઉઘડતી નથી. રાજયની ભાજપ સરકાર વિભાગનું નામ બદલવાથી ખેડૂતોનું કલ્‍યાણ થશે તેવા ભ્રમમાં છે. ‘ખેડૂતોનું દેવું માફ કરો, નહીં તો ભાજપની સરકારને દેશમાંથી સાફ કરો’ આ સુત્ર સાથે સમગ્ર દેશમાં ચાલતા ખેડૂતોને પોષણક્ષમ ભાવ, પાક વિમાનું ચુકવણું, પાક રક્ષણ અને વળતર, ખેડૂતોની દેવા માફી સહિતના મુદ્‌ાઓને અમો સમર્થન માટે તા. 8 મી જૂન ર018ના રોજ તાલુકા સ્‍તરે ખેડૂતોની માંગને ઘ્‍યાને રાખી ધરણાં અને આવેદનપત્ર તા. 9મી જૂન ર018ના રોજ ખેડૂતોની માંગને સમર્થન, ધરણાં અને ઘંટારવનો કાર્યક્રમ અને તા. 10મી જૂન ર018ના રોજ ઉપવાસ આંદોલન, રસ્‍તારોકો આંદોલન અને જેલ ભરો આંદોલન સાથે ગામડાઓથી લઈ ગાંધીનગર સુધી કોંગ્રેસ પક્ષના આગેવાનો, ખેડૂત આગેવાનો, સામાજીક આગેવાનો, સ્‍વૈચ્‍છીક સંગઠનોને આમંત્રણ આપી ખેડૂતોની માંગ પ્રત્‍યે ઉતરશું અને ભાજપની આંધળી, મુંગી અને બહેરી સરકારને જગાડવા ઘંટારવ કાર્યક્રમની જાહેરાત કરીશું. દરેક વ્‍યકિત પોતાના ઘરમાંથી થાળી, વાટકો અને ચમચી લઈ તા. 9મી જૂન ર018ના સાંજના પ.00 કલાકે પોતાના ગામે, તાલુકા અને જીલ્‍લાના વડા મથકે જયાં જે લોકોને અનુકૂળતા હોય અને જગતના તાત પ્રત્‍યે સહાનુભૂતિ હોય તેવા તમામ લોકોને ખુલ્‍લું આમંત્રણ વિધાનસભા વિરોધપક્ષના નેતા પરેશભાઈ ધાનાણીએ આપ્‍યું છે. ભાજપને જો ખરેખર જ ખેડૂતોની ચિંતા હોય તો કોંગ્રેસની યુપીએ સરકારે જેમ ખેડૂતોના દેવા માફ કર્યા હતા તે રીતે ભાજપની કેન્‍દ્ર અને રાજય સરકારે ખેડૂતોના દેવા માફ કરવા જોઈએ.
199પમાં ભાજપનું શાસન રાજયમાં આવ્‍યું તે પહેલાં ર1પ મોટા અને મઘ્‍યમ કક્ષાના ડેમ બનેલ હતા, ભાજપે ર3 વર્ષના શાસનમાં નવા માત્ર 18 ડેમો જ બનાવ્‍યા છે. બોરીબંધ અને ખેત તલાવડીઓ બનાવવામાં ભ્રષ્‍ટાચાર કરી ખેડૂતોને છેતર્યા છે. આજે પણ નર્મદાની કેનાલ નેટવર્કનું હજારો કિ.મી.નું કામ બાકી છે તેના કારણે ખેડૂતોને સિંચાઈનું પાણી મળતું નથી. સિંચાઈ માટે ખેડૂતોનીસ્‍થિતિ આજે દયનીય છે. આજે પણ રાજયમાં 7પ,1ર,97ર હેકટર જમીનને સિંચાઈ માટે પાણી પુરું પાડવામાં આવતું નથી. ખેડૂતોને કુદરતી વરસાદના ભરોસે અથવા ભુગર્ભમાંથી જળ ખેંચી ખેતી કરવી પડે છે.
ખેડૂતોના ઉભા પાકને રોઝ-ભુંડ જેવા જંગલી જાનવરો ખુબ નુકશાન પહોંચાડે છે. પાક રક્ષણ માટે તારની વાડ બનાવવા સહાય મેળવવા માટેની લાખો અરજીઓ પડતર છે. ત્‍યારે બે વર્ષમાં સરકારે માત્ર 1,ર36 અરજીઓ જ મંજુર કરી ખેડૂતોની મજાક કરી છે. ખેડૂતો આધુનિક રીતે ખેતી કરી શકે તે માટે ટ્રેકટર સબસીડીની 11,000 કરતાં વધુ અરજીઓ પડતર છે. જયારે બે વર્ષમાં 40,000 જેટલી અરજીઓ નામંજુર કરી દીધી છે.
બે વર્ષમાં ખેતી માટે વિજ કનેકશનો મેળવવા 1,પ3,883 ખેડૂતોએ કરેલ અરજીઓ પૈકી માત્ર 18,989ને જ વીજ કનેકશન આપવામાં આવ્‍યા છે, જયારે બે વર્ષની 1,ર7,613 અરજીઓ અને તે પહેલાની લાખો અરજીઓ પડતર છે. સરકારી વિજ મથકોને કેન્‍દ્ર સરકાર દ્વારા કોલસાની ફાળવણી ન કરીને ઈરાદાપુર્વક ઉત્‍પાદન ઘટાડવામાં આવે છે અને અદાણી-એસ્‍સાર જેવી કંપનીઓ પાસેથી મોંઘા ભાવે વીજળી ખરીદવામાં આવે છે અથવા વીજળી ખરીદયા વગર ફીકસ કોસ્‍ટ પેટે કરોડો રૂપિયા ચુકવવામાં આવે છે. મોંઘા ભાવે ખરીદેલ વીજળી અન્‍ય રાજયોમાં વેંચવામાં આવે છે જયારે ખેડૂતોનેવીજ કનેકશન આપવા ભાજપ સરકાર પાસે પુરતી વીજળી નથી.
ભારત સરકારના સેન્‍ટ્રલ ઈલેકટ્રીસીટી ઓથોરીટીના રિપોર્ટ મુજબ પોંડીચેરી, કેરાલા, ગોવામાં ખેતી માટે વીજળીની કોઈ મર્યાદા નથી, જયારે ઉત્તર પ્રદેશ, બિહાર, ઝારખંડ, પશ્ચિમ બંગાળ, મઘ્‍યપ્રદેશ જેવા રાજયમાં ખેડૂતોને 18 કલાકથી લઈને ર4 કલાક વીજળી પુરી પાડવામાં આવે છે. ખેડૂતોને વીજળી પુરી પાડવામાં ગુજરાત 16મા નંબરે આવે છે. ગુજરાતમાં ખેડૂતોને 8 કલાક સતત વીજળી પુરી પાડવામાં આવતી નથી. રાત-દિવસના રોટેશન મુજબ અપાતી વીજળીમાં પણ અનેક વખત લાઈન ટ્રીપ થાય છે. ટાટાને સાણંદમાં નેનો માટે રાતોરાત ડબલ સરકીટવાળા ફીડરથી રર0 કેવીએનો વીજ પુરવઠો પુરો પાડવા, વીજળી કર ભરવામાંથી મુકિત આપવા સહિત ડાર્ક ઝોનમાં પાણી ખેંચવાની મંજૂરી પણ આપવામાં આવે છે. સાણંદ તાલુકામાં ખેતી પર નભતા ખેડૂતોને ડાર્કઝોનના બહાને ભૂગર્ભમાંથી પાણી ખેંચવા નવા વીજ કનેકશનો આપવામાં આવતા નથી. રાજયમાં ખેડૂતો સમયસર વીજ બિલ ભરી ન શકે તો વીજ કનેકશન કાપી નાંખવામાં આવે છે અને ચોરીના બહાને લાખો રૂપિયાના દંડ ફટકારવામાં આવે છે અને ખેતી વિષયક વીજ બિલમાં 18 ટકા જીએસટી વસુલવામાં આવે છે. જયારે ચાર હજાર કરતાં વધુ ઔદ્યોગિક એકમો પાસેથી રૂપિયા 1700 કરોડજેટલી માતબર રકમ વસુલવાની તસ્‍દી ભાજપ સરકાર લેતી નથી.
સરકારની મિલીભગતથી રાજયમાં નકલી દવાઓનો વેપાર ખુબ મોટા પ્રમાણમાં ચાલે છે, જેના કારણે ખેડૂતો પાક બચાવવા મોંઘા ભાવની જંતુનાશક દવાઓ ખરીદી છંટકાવ કરે છે પણ પાક બચાવી શકતા નથી. રાજયના ખેડૂતોને તેમની ખેત પેદાશો જેવી કે મગફળી, કપાસ, અન્‍ય પાકોના ટેકાના ભાવો વધારવા માટે કેન્‍દ્રમાં ભાજપની સરકાર આવ્‍યા પછી રાજય સરકારે કોઈ પ્રયાસ કર્યો નથી. આજે ખેડૂતોના પાક ઉત્‍પાદનના ભાવો ઉત્‍પાદન ખર્ચ જેટલા પણ મળતા નથી ત્‍યારે ખેડૂતોએ રાત-દિવસ ટાઢ-તાપમાં મહેનત કરીને પકવેલ પાકના પોષણક્ષમ ભાવો ન મળતા રસ્‍તાઓ પર ઠાલવી દેવા પડે છે અથવા પાકની       હોળીઓ કરવી પડે તેવી વરવી પરિસ્‍થિતિ આજે રાજયના ખેડૂતોની છે.
આજે રાજયમાં ખેડૂતોની સંખ્‍યામાં 3.પ0 લાખનો ઘટાડો, ખેતમજૂરોની સંખ્‍યામાં 17 લાખનો વધારો અને ખેતીની જમીન દિનપ્રતિદિન ઘટાડો થતો જાય છે. રાજયમાં 49.6ટકા રોજગારી આપતા કૃષિક્ષેત્ર સાથે આભડછેટ જેવું સરકારનું વલણ છે. કૃષિ ઉત્‍પાદનો, કૃષિ ઓજારો, ખાતર, જંતુનાશક દવા અને બિયારણ ઉપર જીએસટીનો બોજ નાંખવામાં આવ્‍યો છે. રાજયમાં ખેડૂતો માટે યોગ્‍ય બજાર વ્‍યવસ્‍થાના અભાવે ખેડૂતોને પોષણક્ષમ ભાવો મળતા નથી અને સસ્‍તા અને સરળ ધિરાણનો અભાવ છે.કૃષિ બજેટ અને સબસીડીમાં ભાજપ સરકાર દ્વારા સતત કાપ મુકવામાં આવે છે. રાજયના વર્ષ ર017-18ના બજેટની સામે ર018-19માં 1144.37 કરોડ રૂપિયાની ઘટ સાથે 1ર.67 ટકાનો કાપ મુકયો છે.
સેટેલાઈટ દ્વારા થયેલ જમીન રીસર્વેમાં મોટા પ્રમાણમાં છબરડાઓ બહાર આવ્‍યા છે. ખેડૂતોની કિંમતી ખેતીલાયક જમીનો ઝુંટવી લેવા માટે જમીન સંપાદન કાયદામાં ફેરફાર કરવામાં આવ્‍યો છે. અભણ ખેડૂત ઉપર પાણી પત્રકની નોંધણીનો બોજ નાંખવામાં આવ્‍યો છે તે હટાવવામાં આવે, પાક વીમાનું પ્રિમિયમ ફરજીયાત બનાવીને કૃષિ સબસીડીના નામે સરકારી તિજોરીમાંથી કરોડો રૂપિયા ખાનગી વીમા કંપનીઓને રળાવી આપવા કૃષિ ફસલ વીમા યોજનાના નામે ભાજપ સરકારે ષડયંત્ર રચ્‍યું છે. ખેડૂતો માટે 0 ટકા ધિરાણની જાહેરાત પછી કૃષિ લોન ઉપર 7 ટકા વ્‍યાજ વસુલીને ભાજપ સરકાર દ્વારા ગરીબ ખેડૂતોને લુંટવામાં આવે છે. ફરજીયાત બનાવેલ પાક વીમો મરજીયાત કરવાની માંગ કરી છે, છેલ્‍લાં પાંચ વર્ષમાં ખેડૂતોનું વધતુ જતુ આત્‍મહત્‍યાનું પ્રમાણ અટકાવવામાં ભાજપ સરકાર સદંતર નિષ્‍ફળ રહી છે. ખેડૂતોની આત્‍મહત્‍યાના બનાવોને ભાજપ સરકાર દ્વારા અપમૃત્‍યુમાં ખપાવીને આત્‍મહત્‍યાના સાચા આંકડાઓ છુપાવવામાં આવે છે. ગત ચોમાસામાં આવેલ ભયંકર પુરના કારણે અતિવૃષ્‍ટિથી પીડીત ખેડૂતોને વળતરસહાય ચુકવવામાં સરકાર નિષ્‍ફળ રહી છે. પશુધનની સરખામણીએ ર800 જેટલા ગામો બિલકુલ ગૌચર વિહોણા અને હજારો ગામડાઓમાં ગૌચરની ઘટ છે. ખેત વિહોણા ખેડૂતો છે ત્‍યાં પશુધનના ચરીયાણ માટે ગૌચરની વ્‍યવસ્‍થા થાય, જરૂરીયાત મુજબ ગૌચર ઉભું થાય અને જયાં ગૌચરની જમીન વેચાણી છે એવી ગૌચરની જમીનો વેચનારાઓ ઉપર ગૌચર આવે તે માટે સરકાર પાસે માંગણી કરી છે. ગરીબી રેખા નીચે જીવતા પરિવારોને જીવન નિર્વાહ મતમજૂરોને સાંથણીની જમીન પાંચ હેકટર સુધી આપવાની જોગવાઈ છે. ખેડૂત સમાજમાંથી માંગ આવી છે. નાના અને સીમાંત ખેડૂતો છે તેવા ખેડૂતોને બીપીએલ યોજના અંતર્ગત લાભ આપવા માંગ કરી છે.           મગફળીકાંડમાં ભાજપના મળતીયાઓનો સરકાર સીધો બચાવ કરી રહી છે. પોતાના અધિકાર માટે આંદોલન કરતાં ખેડૂતો ઉપર સરકાર દમન ગુજારી રહી છે તેમ અંતમાં પરેશ ધાનાણીએ જણાવ્‍યું હતું.