Main Menu

કુંકાવાવમાં ડીડીઓની ઉપસ્‍થિતિમાં ‘સ્‍વચ્‍છતા અભિયાન’નો પ્રારંભ

કુંકાવાવમાં આજે વિશ્‍વ પર્યાવરણ દિન નિમિતે જિલ્‍લા વિકાસ અધિકારી નિરગુડેના અઘ્‍યક્ષ સ્‍થાને સ્‍વચ્‍છતા અભિયાન હાથ ધરવામાં આવ્‍યું હતું.જેમાં તાલુકા પંચાયત, ગ્રામ પંચાયતના કર્મચારીઓ તેમજ તાલુકાના પદાધિકારી આગેવાનો મોટી સંખ્‍યામાં જોડાયા હતા. આ પ્રસંગે જિલ્‍લા વિકાસ અધિકારીએ જાતે ગંદકી, કચરો સાફ કર્યો હતો અને તમામ લોકોને આ અભિયાનમાં જોડયા હતા. ત્‍યારે બસ સ્‍ટેન્‍ડ પાસેના અતિ ગંદકીવાળા વિસ્‍તારની સ્‍વચ્‍છતા અભિયાન માટે સ્‍થળની પસંદગી કરવામાં આવી હતી. આમ તમામ કર્મચારીઓ, આગેવાનો, પદાધિકારીઓ, અધિકારીઓ જાતે કચરાનો નિકાલ કરીને પર્યાવરણ દિન નિમિતે સ્‍વચ્‍છતા અભિયાનમાં શ્રમદાન કરીને સહયોગ આપ્‍યો હતો. ત્‍યારે નિરગુડે, ઉપસ્‍થિત આગેવાનોને પર્યાવરણની જાળવણી તેમજ ઉપયોગીતા અંગે જરૂરી સંદેશા સાથે માર્ગદર્શન આપ્‍યું હતું. ત્‍યારે ખરા અર્થમાં જે અધિકારી જાતે આવા અભિયાનમાં નિષ્ઠાપૂર્વક કામ કરે તો બીજાને પણ પ્રેરણા મળે તેવું જાતે સફાઈ કરીને અભિયાન સફળ બનાવ્‍યું હતું. જયારે આ અભિયાનમાં તાલુકા પંચાયતની ટીમ તેમજ ગ્રામ પંચાયતની ટીમ જોડાઈ હતી. જયારે આગેવાનો, અધિકારીઓ પણ સફાઈ અભિયાનમાં ઉત્‍સાહભેર જોડાયા હતા અને બે કલાક જેવો સમય ફાળવ્‍યો હતો. એ શ્રમદાન કરીને વિશ્‍વ પર્યાવરણ દિનની ઉજવણીમાં સહભાગી થયા હતા. ત્‍યારે જિલ્‍લા વિકાસ અધિકારીએ તાલુકા પંચાયત તેમજ ગ્રામ પંચાયતને સફાઈ અંગે જરૂરી માર્ગદર્શન સાથે ગંદકીનીમાહિતી મેળવી હતી અને જરૂરી સુચના આપીને સ્‍વચ્‍છતા અભિયાનને સાર્થક બનાવવા માટે સફાઈ કામ ચાલુ રહે તે માટે કાર્યવાહી કરવા સુચના આપી હતી. જયારે આ પ્રસંગે તાલુકા પંચાયત, જિલ્‍લા પંચાયતના હોદેદારો, ગામના આગેવાનો, વેપારી મંડળના આગેવાનો તેમજ ગ્રામજનો મોટી સંખ્‍યામાં જોડાયા હતા અને વિશ્‍વ પર્યાવરણ દિનની ઉજવણી કરીને સ્‍વચ્‍છતાનો સંદેશ અને પ્રકૃતિનું જતન સૌ કોઈ કરે અને આવતા ચોમાસામાં સૌ કોઈ પાંચ વૃક્ષો વાવે તેવી ભાવના વ્‍યકત કરીને પર્યાવરણના જતનની ખાતરી અધિકારીઓને આપી વિશ્‍વ પર્યાવરણ દિનની ઉજવણી સફળ બનાવી હતી.


« (Previous News)