Main Menu

10 નીલગાયનું ઝેરયુકત પાણી પીવાથી અને સિંહનું ઈલેકટ્રીક શોર્ટથીમૃત્‍યુ થયું હતું

વન વિભાગે વાડી માલીકની અટકાયત કરી લીધી
અમરેલી, તા.4
સાવરકુંડલા તાલુકાના લીખાળા ગામે રહેતા નનુભાઈ મુળજીભાઈ સુહાગીયા નામના 7પ વર્ષીય વૃઘ્‍ધ ખેડૂતની વાડીમાં આવેલા કૂવામાં થોડા દિવસ પહેલા 1 સિંહ તથા 10 જેટલી નીલગાયના મૃતદેહો મળી આવતાં સિંહ તથા 10 જેટલી નીલગાયના મૃતદેહો મળી આવતા આ બનાવમાં વન વિભાગ, પી.જી.વી.સી.એલ. તથા પોલીસ દ્વારા સંયુકત તપાસ હાથ ધરી અને બનાવ સ્‍થળ નજીક જ આ વન્‍ય પશુઓને કૂવામાંથી બહાર કાઢી અને પોસ્‍ટમોર્ટમ કરાયા બાદ વાડી માલીક પિતા પુત્રની પૂછપરછ હાથ ધરવામાં આવી હતી.
આ બનાવમાં સિંહ તથા 10 નીલગાયના મૃતદેહનું પ્રાથમિક તપાસ કરવામાં આવતા તમામ નીલગાય (રોઝ) કોઈ કેમીકલયુકત પાણી પીવાથી અને સિંહનું મૃત્‍યુ ઈલેકટ્રીક શોકના કારણે થયાનું જણાય આવતા આ બનાવમાં એફ.એસ.એલ. ડોગ સ્‍કવોર્ડ તથા અન્‍ય એજન્‍સી દ્વારા તપાસ હાથ ધરવામાં આવી હતી.
ત્‍યારે આ બનાવમાં શરૂઆતથી શંકાના દાયરામાં રહેલા આ વાડીના માલીક નનુભાઈ મુળજીભાઈ સુહાગીયા તથા તેમના પુત્ર અરવિંદભાઈને વન વિભાગે ગઈકાલે અટક કરી કોર્ટમાં રજૂ કરતા કોર્ટે આ બન્‍ને પિતા પુત્રને આગામી તા.6 સવાર સુધીના રિમાન્‍ડ ઉપર સોંપેલ છે.