Main Menu

બ્રોડગેજ આવતી નથી અને મીટરગેજનાં ઠેકાણા નથી

ભાજપ સરકારનું અમરેલી જિલ્‍લાએ શું બગાડયું છે તે સમજાતુ નથી
બ્રોડગેજ આવતી નથી અને મીટરગેજનાં ઠેકાણા નથી
સૌરાષ્‍ટ્ર વિકાસ પરિષદનાં આગેવાનોએ ભાજપ સરકાર સામે નારાજગી વ્‍યકત કરી
અમરેલી, તા. 4
અમરેલી જિલ્‍લાને હંમેશા અન્‍યાય સહન કરવાનો જ રહૃાો છે. જિલ્‍લાની જનતા એટલી બધી સહિષ્‍ણુતાનું ઉત્તમ ઉદાહરણ બની ગયું છે કે આ જિલ્‍લાની જનતા ગમે તેટલી અસુવિધા યોગ્‍ય કરો તો પણ કોઈ રાજકીય નેતાનો વિરોધ નહી કરે. કારણ તેમને પ્રેસનોટ અને છાપામાં ફોટા સાથે અમે આમ કર્યુ તેવા દાવાઓ કરી પ્રજાને ઉંધા ચશ્‍મા પહેરાવે છે. અમરેલીનાં બ્રોડગેજનો પ્રશ્‍ન કેટલો જુનો છે ? તમામ જગ્‍યાએ કામ ચાલું છે અમરેલીમાં ભઈ થાશે પણ તેઓ જાણે અરે જે સુવિધા હતી તે પણ સમય ફેરફાર કરી ઝૂંટવી લીધી. અમરેલીથી જુનાગઢ મીટરગેજ રેલ્‍વે ચાલું છે. પહેલા તેનો સમય સવારે 6 કલાકે ઉપડવાનો હતો જુનાગઢથી ઉપડવાનો સમય સાંજે 6 કલાકનો હતો જેથી ઘણા કર્મચારી ચલાલા, ધારી,વિસાવદર, ભાડેર અપડાઉન કરતા તે પણ છીનવી લીધું. અરે અમરેલીથી વેરાવળ સોમનાથ મહાદેવના દર્શન કરી પરત સાંજે અમરેલી ફરી શકતા તે પણ બંધ થઈ ગયું અને આખે આખી ટ્રેન ખાલીખમ ધકકો ખાઈ પાછી વળે છે. કારણ અમરેલીથી જુનાગઢ સવારે 7 વાગે ઉપડે છે અને જુનાગઢથી બપોરે 13-30 ઉપડે છે આમા કયાં પેસેન્‍જરોનો મેળ બેસે.  અને પાછી અહી પડી રહે છે. આ ટ્રેક પર બીજી ગાડી દોડતી નથી તેમજ કોઈ ક્રોસીંગ કે અન્‍ય મુશ્‍કેલી રેલ્‍વેને પડતી નથી. આ અંગે સૌરાષ્‍ટ્ર વિકાસ પરિષદ ઘ્‍વારા આકરી ટીકા કરી રજુઆત કરવામાં આવી છે.
પવિત્ર માસમાં અસંખ્‍ય યાત્રિકો સોમનાથ ભગવાનના દર્શને જશે તેમજ અન્‍ય લોકો પણ વનભોજન જેવા કાર્યક્રમો ગોઠવશે. માટે જે અમરેલીથી વિસાવદર જુનાગઢની ટ્રેનનો જે સમય પહેલા હતો તે પૂર્વવત ચાલુ રાખવા રજુઆત કરે છે. સમય ફેરફાર કરી સમગ્ર અમરેલીની જનતાની લાગણીને ઠેસ પહોંચાડેલ છે. તમામ રાજકીય નેતાઓને પણ વિનંતિ કે આ બાબતે યોગ્‍ય રજુઆત કરી પ્રજાને ફરી સુવિધા અપાવે તેવી સૌરાષ્‍ટ્ર વિકાસ પરિષદનાં જિલ્‍લા પ્રમુખ ભીખુભાઈ અગ્રાવત, સંયોજક મુકેશભાઈ જાની તથા પ્રદેશ આગેવાન દિલશાદભાઈ શેખની માંગણી અને રજુઆત કરેલ છે.