Main Menu

તુલસીશ્‍યામમાં ભોળાદાસબાપુની પૂણ્‍યતિથી અને ધર્મોત્‍સવ ઉજવાયો

ગીર જંગલમાં બાબરીયાવાડના પુરાણ પ્રસિદ્ધ તીર્થધામ તુલસીશ્‍યામ-શ્‍યામધામમાં આજે શનિવારે ધર્મોત્‍સવ યોજાયેલ જેમાં શ્‍યામ પરિવાર અને યાત્રાળુઓની બહોળી ઉપસ્‍થિતિ રહી હતી. તુલસીશ્‍યામ તિર્થધામનાં મહંત પૂ. ભોળાદાસબાપુની વિદાયને ચાર વર્ષ પૂર્ણ થતા તા. ર જૂનનાં રોજ પૂ. દિવંગત મહંતની ચોથી પૂણ્‍યતિથી ભાવભેર ઉજવાઈ હતી. આ પ્રસંગે તેમને પુષ્‍પાંજલી અર્પી વંદના કરવામાં આવેલ સાથે સત્‍યનારાયણ ભગવાનની કથા તથા શ્‍યામ યુવક મંડળ – વડ ગામ, પ્રતાપભાઈ વરૂ- માજી ધારાસભ્‍ય, નાગેશ્રી અને ગભરૂભાઈ જેઠુરભાઈ વરૂ – મોણા માણસા ર્ેારા શ્‍યામસુંદર ભગવાનને થાળ – રાજભોગ ધરાવવામાં આવેલ. આ ધર્મોત્‍સવમાં ટ્રસ્‍ટીઓ, શ્‍યામ પરિવાર તથા ભકતજનો અને યાત્રાળુઓ બહોળી સંખ્‍યામાં સામેલ થયા હતા. આ પ્રસંગે સુરજદેવળના મહંત પૂ. શાંતી બાપુ, રૂખડ ભગતની વાવડી મહંત પૂ. બાબભાઈ બાપુ, મમાઈ માતાજી જગ્‍યાના મહંત પૂ. લક્ષ્મણદાસ બાપુ, લંગાળાના અમરદાસબાપુ સહિતનાં સંતો મહંતો ઉપસ્‍થિત રહૃાા હતા. ડાયરામાં કલાકારો મેરાણ ગઢવી, નાથુદાન ગઢવી સહિતનાં કલાકારોએ સંતના સંભારણા સાથે શ્‍યામ ગુણગાન અને ભોળાદાસબાપુને વંદના કરેલ. સાજીંદામાં હાજી રમકડું અને તેની ટીમે કલા પીરસેલ. તુલસીશ્‍યામ ટ્રસ્‍ટનાં ટ્રસ્‍ટી પ્રતાપભાઈ વરૂએ સૌ મહેમાનોને આવકારેલ. ટ્રસ્‍ટી ભીમબાપુ બોરીચા- વડ ખાસ ઉપસ્‍થિત રહેલ. રાજુલા નગરપાલિકાનાં ઈન્‍ચાર્જ પ્રમુખ સતુભાઈ ધાખડા, શિક્ષણ સમિતિનાં ચેરમેન દિપકભાઈ માલાણી, તાલુકા પંચાયતના પ્રમુખ કરણભાઈ પટેલ તથા પૂર્વ પ્રમુખો સર્વ ગૌતમભાઈ વરૂ, હનુભાઈ ધાખડા, જાદવભાઈ સોલંકી, નાજભાઈ બાંભણીયા, મનુભાઈ વાઝા તથા ખડીયા દરબાર અને બાબરીયાવાડ આગેવાનો, શ્‍યામ પરિવાર મોટી સંખ્‍યામાં ઉપસ્‍થિત રહેલ. આ પ્રસંગે ઉપસ્‍થિત સુરજદેવળ મંદિર ટ્રસ્‍ટનાં પ્રમુખ ભરતભાઈ ધાધલનું તેમજ જૂનાગઢ કરણી સેનાનાં પ્રમુખ સુરાભાઈ વિકમાળ (રૂપાવટી વાળા) તથા બોટાદ જિલ્‍લા કરણી સેનાનાંપ્રમુખ પ્રતાપભાઈ (પાલ્‍ટી)નું સન્‍માન કરાયું હતું. સાજીંદા રાજુભાઈના દિકરીનાં લગ્ન પ્રસંગે તુલસીશ્‍યામ ટ્રસ્‍ટ, પ્રતાપભાઈ એસ. વરૂ, ધીરૂભાઈ ખુમાણ, ગૌતમભાઈ વરૂ અને ભોળાભાઈ વરૂ તરફથી રૂા.પ1 હજાર રોકડની ભેટ આ તકે અપાઈ હતી. સમગ્ર ધર્મોત્‍સવને સફળ બનાવવા પ્રતાપભાઈ વરૂ (માજી ધારાસભ્‍ય) સહિતના ટ્રસ્‍ટીઓનાં માર્ગદર્શન તળે તુલસીશ્‍યામ ટ્રસ્‍ટનાં મેનેજર રણજીતભાઈ વરૂ અને અશોકભાઈ ગઢવી તથા મંદિરનાં સ્‍વયં સેવકોએ જહેમત ઉઠાવેલ.