Main Menu

અમરેલીમાં સતત 1રમાં દિવસે ગ્રામીણ ડાક સેવકોની હડતાલ યથાવત

ધારાસભ્‍યો કે સાંસદ મુલાકાત લેતા નથી
અમરેલી, તા. ર
ગ્રામિણ ડાક સેવકોની હડતાલ આજે 1રમાં દિવસે પણ સજજડ બંધ રહી છે. કેન્‍દ્ર સરકાર ઈન્‍ડિયાને ડીઝીટલ ઈન્‍ડિયા કરવા માંગે છે, તથા ડિઝીટલ ઈન્‍ડિયા કરવા માટે ગ્રામિણ ડાક સેવકો પાયાનાં કર્મચારી છે. ડીપાર્ટમેન્‍ટ તથા સરકાર જાણે છે. તેમ છતાં ગ્રામિણ ડાક સેવકોનું શોષણ કરવામાં આવે છે. ગામડાનાં વિકાસની વાતો કરવામાં આવે છે, જયાં સુધી ગ્રામ્‍ય કક્ષાએ કામ કરતા નાના કર્મચારી તરફ અન્‍યાય કરવામાં આવે છે. ત્‍યાં સુધી ગ્રામ્‍ય કક્ષાએ વિકાસ શકય નથી. ટારગેટનાં નામે ગ્રામિણ ડાક સેવકોને ખાતા ખોલવા વિગેરે કામો રાત-દિવસ કરવા છતાં તેમનો જશ મોટા અધિકારીઓ લઈ જાય છે. વાસ્‍તવમાં ગામડામાં ગ્રામિણ ડાક સેવકો નવા ખાતા ખોલવા – આર.પી.એલ.આઈ. વિમો લેવો આર.ડી. ટીડી સુકન્‍યા યોજના, અટલ પેન્‍શન યોજના જેવાં અનેક ખાતાઓ ખોલે છે. આમગ્રામિણ ડાક સેવકો ખૂબજ ખંચ અને વફાદારી પૂર્વક ફરજ બજાવતા હોવા છતાં કમલેશચંદ્ર કમિટીનો રીપોર્ટ લાગુ કરવા ઠાગાઠૈયા કરે છે. 1ર દિવસ થવા છતાં સ્‍થાનિક સંસદસભ્‍ય કે, ધારાસભ્‍ય પણ નાના કર્મચારીની છાવણીની મુલાકાત પણ લેતા નથી તે ખૂબજ દુઃખદ કહેવાય.