Main Menu

મેઘા રે મેઘા : ભારે ગરમીમાં રાહત આપતાં મેઘરાજા

અમરેલી જિલ્‍લામાં મોંઘેરા મહેમાન મેઘરાજાનું આગમન
મેઘા રે મેઘા : ભારે ગરમીમાં રાહત આપતાં મેઘરાજા
ભારે પવનથી અનેક વૃક્ષો ધરાશયી થયા અને છાપરા પણ ઉડી ગયા
વરસાદનો પ્રારંભ થતાં જ પીજીવીસીએલ દ્વારા વીજ પુરવઠો બંધ કરી દેવામાં આવ્‍યો
અમરેલી, તા. ર
અમરેલી શહેર સહિત સમગ્ર જિલ્‍લાની જનતા છેલ્‍લા કેટલાય દિવસોથી ભારે ગરમીનો સામનો કરી રહી હતી. ત્‍યારે આજે બપોર બાદ અચાનક વાતાવરણમાં પલ્‍ટો આવ્‍યા બાદ સતત 1 કલાક સુધી ભારે પવન ફુંકાયા બાદ અમરેલી જિલ્‍લાનાં ગ્રામ્‍ય વિસ્‍તારો સાવરકુંડલા, લીલીયા તથા લાઠી પંથકમાં વરસાદી ઝાપટા પડયા હતા અને અષાઢી માહોલ છવાયો હતો.
અમરેલી જિલ્‍લામાં બપોરે 3 વાગ્‍યા બાદ ભારે પવન ફુંકાયો હતો. કંઈક લોકોના ઘરના છાપરા અને  નળીયા ઉડયા હતા. ઝાડની ડાળીઓ પણ તુટી અને રોડ ઉપર પડી હતી તો ભારે પવનનાં કારણે શહેરનાં માર્ગો ઉપર કચરાનાં ઢગ છવાયા હતા.
અમરેલી શહેરનાં વરસડા રોડ બાયપાસ ઉપર પણ ધીમી ધારે વરસાદ પડી રહૃાો છે. તો અમરેલી-સાવરકુંડલા રોડ પર આવેલ ગોખરવાળાથી સાવરકુંડલા સુધી ભારે વરસાદ પડયાનાં અહેવાલો મળી     રહૃાા છે.
લીલીયા તથા આજુબાજુનાં વિસ્‍તારોમાં પણ કેટલીક જગ્‍યાએ વરસાદ પડી રહૃાાનાં અહેવાલો મળી રહૃાાં છે.
અમરેલીશહેરમાં પણ સાંજના સાડા પાંચ વાગ્‍યાનાં સમયે ધીમી ધારે વરસાદ પડી રહૃાો છે. થોડા વરસાદે કીચડ વધુ અને લોકો ગરમીથી રાહત મળે તેવો વરસાદ પડે તેવું ઈચ્‍છી રહૃાું છે.