Main Menu

સાવરકુંડલામાં પ્રથમ વરસાદે જળાશય ભરાઈ ગયું

નાવલી નદીમાં પુર આવતાં શહેરીજનો ટોળે વળ્‍યાં
સાવરકુંડલામાં પ્રથમ વરસાદે જળાશય ભરાઈ ગયું
મારૂતીવાન પાણીમાં તણાઈ ગયું તો એક ગાયનું પણ મૃત્‍યુ થયું
સાવરકુંડલા, તા. ર
પ્રથમ વરસાદે ગાયત્રી મંદિર પાસેનો ડેમ ભરાઈ જતા તેને જોવા લોકો ઉમટી પડેલ અને નાવલી નદીમાં પાણી આવતાં શાક માર્કેટ સાફ થઈ ગયેલ છે.
નાવલી નદીમાં એક જ વરસાદથી ગંદકી સાફ થઈ ગયેલ છે. નાવલી નદીમાં કેબીનમાં ધંધો કરતાં વેપારીઓને ભારે નુકશાન થયેલ છે. પોતાની કેબીનમાં માલ ફેરવવાનો પણ સમય ન મળતાં વેપારીઓનો માલ પલળી જવા પામેલ અને પત્રા, વાસ, કંતાન,  માલસામાન તણાઈ જવા પામેલ.
મેઈનબજારમાં ર ફૂટ જેટલું પાણી વહી જતાં નીચાણ વાળી દુકાનમાં પાણી ભરાઈ ગયેલ. અંદાજે 100 જેટલા વેપારીઓને ભારે નુકશાન થવા પામેલ છે. વેપારીઓનો માલ- સામાન -કેબીનો નાવલી નદીમાંતણાઈ જવા પામેલ છે. લાખો રૂપિયાનું નુકશાન થયેલ છે. તેમજ એક ગાય પણ તણાઈ જવા પામેલ. જીવદયા પ્રેમીઓએ બચાવવા મહેનત કરેલ પણ પાણી સામે હીંમત હારી જતા ગાયનું મૃત્‍યુ થયેલ.
સાવરકુંડલામાં પ્રથમ વરસાદ ઈશાન ખુણામાંથી અને શુભ ચોઘડીયે પડતાં ચોમાસાનાં સારા સંકેત આપેલ છે.
નગરપાલીકાએ તેમની બચાવ ટીમ તૈનાત રાખેલ છે. મામલતદાર જાલાવડીયાભાઈ તથા હીરપરાભાઈએ પણ અપીલ બહાર પાડી નીચાણવાળા વિસ્‍તારો ખાલી કરવાની જાહેરાત કરેલ છે.