Main Menu

ચલાલામાં પવનની ડમરી સાથે એક ઈંચ વરસાદ ખાબકયો

ચલાલા, તા.ર
ચલાલામાં સાંજના પાંચ વાગ્‍યા સુધી ધીમે ધકતો તડકો અને બફાટા વચ્‍ચે એકાએક વાતાવરણમાં બદલાવ આવતા જોરદાર પવનની ડમરી સાથે વિજળીના કડાકા અને ભડાકા વચ્‍ચે ભારે વરસાદ વરસવાનું ચાલુ થતા એક કલાકમાં અંદાજે એકઈચ વરસાદ પડી જતા વાતાવરણમાં ઠંકક ફેલાયેલ હતી. શહેરમાં પહેલો જ વરસાદ પડતા અને જોરદાર પવનની ડમરી ચાલુ થતા થોડો ટાઈમ અફડા – તફડીનો માહોલ જોવા મળેલ હતો. ભારે પવનથી શહેરમાં એક પીપરનું ઝાડ ધરાશયી થયું હતું. અને લીંમડાની ડાળીઓ પડી ગયેલ હતી. નિચાણવાળા અનેક વિસ્‍તારમાં પાણી ભરાયાની ફરિયાદ જોવા મળી હતી. ભારે પવન અને વરસાદ થતા બે કલાક વીજળી પુરવઠો ખોરવાઈ ગયોહતો. એકદંરે વાતાવરણમાં ઠંડક થઈ જતા શહેરીજનોમાં આનંદ જોવા મળેલ હતો. નિચાણવાળા વિસ્‍તારમાં પાણી ભરાતા – પાણીના નિકાલ માટે નગરપાલીકાની ટીમ, ચિફ ઓફિસર, પ્રમુખ, ઉપપ્રમુખ તથા સભ્‍યો જે તે વિસ્‍તારમાં જેસીબી, ટ્રેકટર સાથે જઈ પાણીના નિકાલની વ્‍યવસ્‍થા કરી હતી.