Main Menu

અમરેલી જિલ્‍લામાં ભારે પવન સાથે વરસાદ ખાબકતા વ્‍યાપક પ્રમાણમાં નુકશાન

અમરેલી, તા. ર
અમરેલીમાં બપોર બાદ ભારે પવન ફુંકાતા ઝાડ અને વીજપોલ તથા વીજવાયરને ભારે નુકશાન થવા પામ્‍યું છે. અમરેલી તથા આજુબાજુનાં વિસ્‍તારોમાં અનેક વીજપોલ ધરાશયી થવા પામ્‍યાછે. જેને લઈ અમરેલી સહિતનાં વિસ્‍તારોમાં સલામતી માટે થઈ પાવર બંધ કરી દેવામાં આવ્‍યો છે.
અમરેલી જિલ્‍લામાં આજે ભારે પવન સાથે વરસાદ પડતાં અનેક વૃક્ષો ધરાશયી થવા પામ્‍યા છે. જેને લઈ વીજ કંપનીને પણ નુકશાન થવા પામ્‍યું છે. વીજ અધિકારીનાં જણાવ્‍યા અનુસાર હાલમાં અમરેલી જિલ્‍લાનાં ર1 પેટા વિભાગોમાં નાની-મોટી નુકશાની પવનનાં કારણે થતાં સલામતીનાં કારણે વીજ પુરવઠો બંધ કરાયો છે. અને જયાં પણ જરૂરીયાત જણાય ત્‍યાં યુઘ્‍ધનાં ધોરણે સમારકામની પણ કામગીરી શરૂ કરી દેવા આદેશો અપાયા છે.
અમરેલી શહેર નજીક આવેલ માંગવાપાળ તથા મોટા આંકડીયા રોડ ઉપર વૃક્ષોને કારણે વીજ વાયરને નુકશાન થયાનું જાણવા મળી રહૃાું છે. અમરેલી શહેર સહિત સમગ્ર વિસ્‍તારમાં લાઈટની કામગીરી અને વીજ પુરવઠો પૂર્વવ્રત થાય તે માટે કામગીરી શરૂ કરી દેવાયાનું પણ જાણવા મળી રહૃાું છે.


« (Previous News)