Main Menu

વનકર્મીઓ ઉપર થયેલ ફાયરીંગ અને શિકાર પ્રકરણમાં જામીન નામંજૂર

સાવરકુંડલા, તા. 31
પ્રાપ્‍ત વિગત અનુસાર તાજેતરમાં થયેલાં ભભવનકર્મી ઉપર થયેલ ફાયરીંગ અને સસલાનાં શિકાર પ્રકરણમાંભભ નામદાર ધારી કોર્ટે બનાવની ગંભીરતાને ઘ્‍યાને રાખી આરોપીઓની જામીન અરજી ફગાવી દીધી હતી. વનવિભાગનાં ઉચ્‍ચ અધિકારીઓએ જામીન રદ થાય તે માટે કોર્ટ સમક્ષ ધારદાર દલીલો કરી હતી ને કહૃાું હતું કે આરોપીઓ વનગુન્‍હાઓ કરવા ટેવાયેલા છે. અગાઉ વર્ષ ર010માં પણ આજ તહોમતદાર રમેશ બાબુ શિશણાદા બંદુક સાથે શિકારનાં ગુન્‍હામાં પકડાયેલ છે.  ગુનેગારોએ નાની-મોટી પ0 (પચા) જેટલા પશુ પક્ષીઓનો શિકાર કરેલો છે. જે ઘણી ગંભીર બાબત ગણાય. આવી બધી ધારદાર દલીલો કરતાં વનવિભાગની દલિલો ગ્રાહૃા રાખી કોર્ટે જામીન ફગાવી દીધી હતી.
અત્રે નોંધનીય છે કે વનકર્મીઓ શિકાર જેવી ગંભીર પ્રકારનાં ગુન્‍હાઓ પોતાનાં જીવનાં જાખમે પકડવા જતા હોય છે, તેમાં વનકર્મી ઉપર ફાયરીંગ જેવી ઘટનાઓ બને છે ત્‍યારે આ પ્રકારનું કોર્ટનું વલણ, વન વિભાગ માટે આવકાર્ય ગણાય, સરાહનીય ગણાય.
વનકર્મી પર થયેલ ફાયરીંગ અને શિકારનાંપ્રકરણમાં વનવિભાગે કરેલ કડક કાર્યવાહીથી વનગુન્‍હા કરવા ટેવાયેલા અસામાજીક તત્‍વોમાં ફફડાટ મચી જવા પામ્‍યો છે અને આ પગલુ વનવિભાગનું ઉત્તમ પગલું ગણાવી શકાય.