Main Menu

અમરેલી પાલિકાએ ચોમાસાને લઈને તૈયારીઓ શરૂ કરી

બિસ્‍માર મકાનો અને હોર્ડીગ્‍ઝ હટાવી લેવા તાકીદ કરી
અમરેલી પાલિકાએ ચોમાસાને લઈને તૈયારીઓ શરૂ કરી
શહેરમાં ભયજનક હોર્ડીગ્‍ઝ બબ્‍બે વર્ષથી કયારેય દુર કરવામાં આવ્‍યા નથી
અમરેલી, તા. 30
અમરેલી શહેરમાં આગામી પખવાડીયામાં ચોમાસાનો વિધિવત પ્રારંભ થઈ રહૃાો હોય પાલિકાએ શહેરમાં બિસ્‍માર બનેલ મકાનો તેમજ બિનઅધિકૃત હોર્ડિંગ્‍ઝ હટાવી લેવા અને ખાનગી ખુલ્‍લા પ્‍લોટમાંથી ગંદકી અને ઉકરડા હટાવી લેવા શહેરીજનોને તાકીદ કરી છે.
પાલિકાનાં શાસકોએ જણાવેલ છે કે, અમરેલી શહેર વિસ્‍તારમાં કોઈપણ વ્‍યકિત કે સમુહો મારફત જાહેરાતો માટેના હોર્ડિગ્‍ઝ બોર્ડ મુકવામાં આવેલ છે તે તમામ ઈસમોએ આ જાહેર નોટીસ પ્રસિઘ્‍ધ થયેથી દિન-રમાં ઉતારી લેવા અગર તો નિયમસરનાં ધારાધોરણ મુજબની ડીઝાઈન સરકાર માન્‍ય સ્‍ટ્રકચરલ એન્‍જીનીયર પાસે તૈયાર કરાવી મજબુત સ્‍થિતિમાં કરાવી આપી આ કચેરીને લેખિત જાણ કરવી. આમ કરવામાં કસુર થયેથી કોઈપણ પ્રકારે આકસ્‍મીક બનાવ બનશે તે માટે જે તે વ્‍યકિતનાં બોર્ડ જાહેરાત હશે તેમની સામે કાયદેસરની કાર્યવાહી હાથ ધરવામાં આવશે.
વધુમાં જણાવેલ છે કે, અમરેલી શહેરમાં ખુલ્‍લા પ્‍લોટ, જમીનો ધરાવે છે તે પ્‍લોટ જમીનોમાં કચરો, ગંદકી અને ઉકરડા થાય છે તે તમામ પ્રકારનાં પ્‍લોટ, જમીનો પર આ જાહેરનોટીસ પ્રસિઘ્‍ધ થયેથી દિન-રમાં ગંદકી, કચરો, ઉકરડા દુર કરી યોગ્‍ય રીતે નિકાલ કરી જગ્‍યાને સુરક્ષિત કરવાની રહેશે અન્‍યથા આ પ્રકારની ગંદકી, ઉકરડા જે કોઈ જમીન કે પ્‍લોટ ઉપર ઘ્‍યાન પર આવશે તે તમામની સામે કાયદેસરની કાર્યવાહી હાથ ધરવામાં આવશે. અને જમીન મહેસુલ કાયદાની જોગવાઈ અનુસાર જમીનનાં કબ્‍જા ખાલસા કરવા, જમીન અંગેના હકક સમાપ્‍ત કરવા અંગેની દરખાસ્‍ત સરકારમાં કરવામાં આવશે.
વધુમાં જણાવેલ છે કે, અગામી ચોમાસાની ઋતુ શરૂ થતી હોય વાવાઝોડુ, અતિવૃષ્‍ટિ વિગેરેને કારણે જર્જરીત થયેલ મિલ્‍કતો/મકાનો પડવાની સંભાવના હોય તેવી જર્જરીત થયેલ મિલ્‍કતો અન્‍ય કોઈનાં હકક-હિત તેમજ જાનમાલને નુકશાન ન થાય તે રીતે સલામત રીતે ઉતારી લેવા તેમજ જરૂરી મરામત કરવા દિવસ-7 માં કાર્યવાહી કરવી. તેમજ આવા જર્જરીત મકાનોમાં રહેતા લોકોએ પોતાના માલ-સામાન સાથે અન્‍યત્ર ખસી જવા જણાવવામાં આવે છે. અન્‍યથા આવી કોઈ મિલ્‍કતો/મકાનો પડવાથી જો કોઈ જાનમાલને નુકશાની થશે તો તે અંગેની સંપૂર્ણ જવાબદારી જે તે મિલ્‍કત માલિક અને કબ્‍જેદારની અંગત રહેશે જેની લાગતા વળગતા તમામ લોકોએ ગંભીરતાથી નોંધ લેવા જણાવેલ છે.


(Next News) »