Main Menu

અમરેલી જિલ્‍લામાં રાષ્‍ટ્રીયકૃત બેન્‍કોનાં કર્મચારીઓએ હડતાલ કરીને સૂત્રોચ્‍ચાર કર્યા

અમરેલી, તા. 30
અમરેલી શહેરની તમામ રાષ્‍ટ્રીયકૃત બેન્‍કનાં કર્મચારીઓ ર્ેારા આજથી બે દિવસ સુધી તેમની પડતર માંગણીઓને લઈ હડતાલ ઉપર ગયા છે. ત્‍યારે આજે સવારે 11 કલાકે અત્રેની સ્‍ટેટ બેન્‍ક ઓફ ઈન્‍ડિયાની મુખ્‍ય શાખાએ અમરેલીની તમામ રાષ્‍ટ્રીયકૃત બેન્‍કનાં કર્મચારીઓ એકઠા થયા હતા અને પોતાની માંગણી અંગે સુત્રોચ્‍ચાર કર્યા હતા.
બાબરામાં રાષ્‍ટ્રીય કૃત બેંકોના કારણે બેન્‍ક વહીવટ ઠપ્‍પ થતા ગ્રાહકો મુશ્‍કેલીમાં મુકાય ગયા હતા બેન્‍ક હડતાલની સૌથી મોટી અસર અહીંના જિનમાલિકો અને યાર્ડનાં વેપારીઓને થઈ હતી. બેન્‍કમાં નાણાંકીય વહીવટ અટકી જતા વેપારમાં મુશ્‍કેલીઓ ઉભી થઈ હતી.
એસબીઆઈ, બેન્‍ક ઓફ બરોડા,દેનાબેન્‍ક, સહિતની રાષ્‍ટ્રીય બેંકોના કર્મચારીઓ કેન્‍દ્ર સરકાર સામે વિવિધ માંગણીઓનાં મુદ્યે બે દિવસ સુધી હડતાલ પર ઉતરી જતા બેકિંગ કામકાજ ઠપ્‍પ થઈ ગયું હતું.
ત્‍યારે બાબરામાં આવેલ એસબીઆઈ બેન્‍ક, દેના બેન્‍ક, બેન્‍ક ઓફ બરોડાની શાખાઓ પણ બંધ રહેતા અહીં બેંકમાં આવતા ગ્રાહકોને હાલાકીનો સામનો કરવો પડી રહૃાાો છે.
ત્‍યારે અહીં આવેલ માર્કેટીંગયાર્ડમાં ખેડૂત પાસેથી કપાસ, ચણા સહિતની ખેત જણસોની ખરીદી કરતા વેપારીઓને નાણાંની ચૂકવણી કરવામાં ભારે મુશ્‍કેલીનો સામનો કરવો પડયો હતો તેમજ કોટન જિનનાં માલિકોને પણ કપાસની ગાડીઓનું પેમેન્‍ટ કરવામાં ભારે અવરોધ ઉભો થયો હતો.
તેમજ હાલ પેંશનરોની હયાતીની ખરાઈ બેંકોમાં થતી હોય છે, ત્‍યારે બેંકોમાં હયાતીમાં ખરાઈ કરવા આવતા પેંશનરોને પણ નાહકનો ધક્કો થયો હતો. આમ બાબરામાં બેન્‍ક હડતાલનાં કારણે કરોડો રૂપિયાનાં વહીવટ ખોરવાઈ ગયા હતા.