Main Menu

અમરેલીની હેડ પોસ્‍ટ ઓફીસ સામે ગ્રામીણ ડાક સેવકોએ મહાસભા યોજી

અમરેલી, તા. 30
દેશવ્‍યાપી ગ્રામીણ ડાક સેવા આપતા કર્મીઓની હડતાલ અમરેલી જીલ્‍લામાં પણ ચાલુ છે. છેલ્‍લા આઠ દિવસથી અમરેલીની મેઈન પોસ્‍ટ ઓફીસ કચેરીની બહાર ધરણા કરતા ગ્રામીણ ડાક સેવકોએ બેનરો સાથે સુત્રોચ્‍ચાર કરીને સરકાર સામે બંડ પોકારીને સાતમાં પગારપંચની માંગણી બુલંદ કરી છે.
અમરેલીની હેડ પોસ્‍ટ ઓફીસ બહાર મંડપ નાખીને પોસ્‍ટ કર્મીઓ છેલ્‍લા આઠ દિવસથી ગાંધી ચિંઘ્‍યા માર્ગે હડતાલ આંદોલન કરીને સરકાર પાસે સાતમાં પગારપંચની માંગણી કરી રહૃાાં છે. અમરેલી જીલ્‍લાની 300 આસપાસની ગ્રામીણ પોસ્‍ટ કચેરીઓનાં કર્મીઓ હેડ પોસ્‍ટ ઓફીસ બહાર હડતાલ કરી રહૃાા છે. ગ્રામીણ પોસ્‍ટ કર્મીઓને કાયમી કર્મીઓ કરતા સાવ નિમ્‍ન વેતન મળતું હોવાથી ગ્રામીણ પોસ્‍ટ કર્મીઓએહડતાલનું શસ્‍ત્ર ઉગામ્‍યું છે.
આજે ડાક યુનિયન ર્ેારા મહાસભાનું નામ આપીને ગ્રામ્‍ય કક્ષાનાં પોસ્‍ટ કર્મીઓ હડતાલમાં બેનરો લઈને જોડાયા હતા. સરકાર વિરૂઘ્‍ધ સુત્રોચ્‍ચાર કરીને 31પ બ્રાન્‍ચોનાં કર્મીઓએ કમલેશચંદ્રા કમિટીનો રિપોર્ટ 18 માસ જેટલો સમય વીતવા છતાં સરકાર લાગુ કરતી ના હોવાથી સીટી લેવલના કર્મીઓને ર વર્ષથી સાતમું પગાર પંચ લાગુ થઈ ગયું છે ત્‍યારે ગ્રામીણ પોસ્‍ટ કર્મીઓ સાથે ઓરમાયું વર્તન દાખવતી હોવાની પોસ્‍ટ કર્મીઓ જણાવી રહૃાા છે. ત્‍યારે હેડ પોસ્‍ટ ઓફીસ સાથે સબ સેન્‍ટરો પર ટપાલોના ઢગલા થઈ ગયા છે અને અચોક્કસ મુદતની હડતાલ જાહેર કરી છે.
ગ્રામ્‍ય કક્ષાનાં 600 કર્મીઓ હડતાલમાં જોડાતા તાર, ટપાલ, રજીસ્‍ટર, પાર્સલ, વીમા, સહિતના કામગીરી ઠપ્‍પ થઈ ગઈ છે ત્‍યારે એક અઠવાડિયાથી ગ્રામીણ પોસ્‍ટ હડતાલનો અંત કયારે આવે તે કહેવું મુશ્‍કેલ છે પણ ગ્રામ્‍ય કક્ષામાં પોસ્‍ટની હડતાલની અસર વધુ પડી રહી હોય ત્‍યારે ત્‍વરિત નિરાકરણ આવશે કે કેમ તે તો સમય જ કહેશે.