Main Menu

બાબરાના સીમ વિસ્‍તારમાંથી દેશીદારૂ પકડી પાડતી એલસીબી

અમરેલી, તા. 19
આજરોજ અમરેલી એલસીબી પીઆઈ સી.જે. ગોસ્‍વામીની રાહબરી નીચે એલસીબી ટીમને બાતમી રાહે હકીકત મળેલ કે બાબરાના કરીયાણા રોડ ઉપરની એક વાડી-ખેતરમાં આવેલ ઓરડીમાં હંસાબેન વા/ઓ વલ્‍લભભાઈ ચનાભાઈ ગોલાણી રહે. બાબરા કરીયાણા રોડ વાડી વિસ્‍તારવાળી ગેરકાયદેસર વગર પાસ પરમીટે દેશી પીવાના દારૂનું વેચાણ કરે છે. તેવી ચોકકસ બાતમી મળતાં બાતમીવાળી જગ્‍યાએ રેઈડ કરતા બાબરાના કરીયાણા રોડ પર આવેલ વાડી-ખેતરમાં આરોપી હંસાબેન વા/ઓ વલ્‍લભભાઈચનાભાઈ ગોલાણી (ઉ.વ. 38) રહે. બાબરા કરીયાણા વાળી હાજર મળી આવેલ હોય અને વાડી ખેતરમાં તપાસ કરતા દેશીદારૂનું કેન મળી આવતા જે જોતા તેમાં દેશી પીવાનો દારૂ રપ લીટર જેની કિંમત રૂા. 7પ0 તથા કેનની કિંમત રૂપિયા પ0 મળી કુલ કિંમત રૂપિયા 800નો પ્રોહિ. મુદામાલ કબ્‍જે કરી આગળની પ્રોહિબીશન ધારા તળેની કાર્યવાહી સારૂ બાબરા પોલીસ સ્‍ટેશન ખાતે સોંપી આપેલ છે.
આ કામગીરી અમરેલી ઈન્‍ચાર્જ પોલીસ અધિક્ષક બી.એમ. દેસાઈની સુચના અને માર્ગદર્શન મુજબ એલસીબી પોલીસ ઈન્‍સ. સી.જે. ગોસ્‍વામી, પોલીસ સબ ઈન્‍સ્‍પેકટર કે.ડી. ગોહિલ તથા એલસીબી સ્‍ટાફના ભરતબાપુ ગોસ્‍વામી, કે.સી. રેવર, કિશનભાઈ હાડગરડા, મનિષભાઈ જોષી, મયુરભાઈ ગોહિલ, ભગવાનભાઈ ભીલ, હરેશભાઈ બાયલ, જગદીશભાઈ પોપટ, તુષારભાઈ પાંચાણી, રાજુભાઈ ચૌધરી તથા બાબરા પોલીસ સ્‍ટાફ વિગેરેએ કરેલ છે.