Main Menu

ખનીજ માફીયાઓ વિરૂઘ્‍ધ પોલીસ કાર્યવાહીથી ફફડાટ

ઈન્‍ચાર્જ પોલીસ અધિક્ષક દેસાઈની સુચનાથી એસઓજીનો સપાટો
ખનીજ માફીયાઓ વિરૂઘ્‍ધ પોલીસ કાર્યવાહીથી ફફડાટ
હાઈકોર્ટનો મનાઈ હુકમ હોવા છતાં પણ શેત્રુંજી નદીમાંથી બેફામપણે રેતીચોરી થઈ રહી છે
અમરેલી, તા. 1પ
અમરેલી જીલ્‍લામાં ખાણ- ખનીજ ચોરી અંગેની વ્‍યાપક રજુઆત-ફરિયાદો વારંવાર મળતી હોય ઈન્‍ચાર્જ પોલીસ અધિક્ષક દેસાઈએ રોયલ્‍ટી ચોરી કરી દેશને આર્થિક નુકશાન પહોંચાડતા આવા સામાજીક તત્‍વો સામે ઝૂંબેશનાં સ્‍વરૂપે કાર્યવાહી હાથ ધરવા અને અસરકારક કાર્યવાહી કરવા સુચના અને માર્ગદર્શન આપતાં એસઓજી પોલીસ ઈન્‍સ્‍પેકટર આર.કે. કરમટા, સ્‍ટાફનાં એએસઆઈ પ્રકાશભાઈજોષી, હેડ કોન્‍સ્‍ટેબલ સુભાાષભાઈ ઘોઘારી, પોલીસ કોન્‍સ્‍ટેબલ દેવરાજભાઈ બીજલભાઈ કળોતરા, ગીરીરાજસિંહ, રાહુલભાઈ, હરેશભાઈ વાણીયા, ડ્રાઈવર જે.પી. કોચરા વિગેરે ચેકીંગ પેટ્રોલીંગમાં હતા તે દરમિયાનમાં અમરેલી-સાવરકુંડલા રોડ હુડકો સામે રોડ ઉપર એક ડમ્‍પર ટ્રક નંબર જી.જે.-03-ડબલ્‍યુ- 8768 નંબરનું ચાલક સમીરભાઈ મહેશભાઈ તેરૈયા તેના કબ્‍જાનાં ડમ્‍પર ટ્રકમાં રેતી આશરે 10 ટન ભરેલ હોય.
તેમજ વંડા પોલીસ સ્‍ટેશનમાં પેટ્રોલીંગ દરમિયાન વંડા-જેસર રોડ પર વંડા નજીક એક ટ્રેકટર ટ્રોલી સાથેનું નં. જી.જે.-14- ડી-6160 નંબરનું ચાલક રત્‍નાભાઈ પુનાભાઈ મેર, રહે. ઈંગોરાળા, તા. લીલીયા વાળા ગેરકાયદેસર પાસ પરમીટ (રોયલ્‍ટી) વગરની રેતી આશરે 3 ટન ભરેલ હોય.
જે રેતી વાહનમાં ભરવા અંગે ડ્રાઈવરો પાસે કોઈ પાસ પરમીટ નહીં હોય ગેરકાયદેસર રીતે વગર પાસ પરમીટે ખનીજ ચોરી કરતાં મળી આવતાં આ અંગે ખાણ ખનીજ અધિકારી, ભુસ્‍તરશાસ્‍ત્રીની કચેરી, બહુમાળી ભવન અમરેલીને ખાણ ખનીજ ધારા કલમ-34 મુજબ ડીટેઈન વાહનની નિયમોનુસાર કાર્યવાહી કરવા જાણ કરેલ છે. અને આ ડીટેઈન કરેલા રેતી ભરેલા ટ્રેકટરો અનુક્રમે અમરેલી તાલુકા તથા વંડા પોલીસ સ્‍ટેશનમાં રાખેલ છે. પોલીસ ઘ્‍વારા હાથ ધરાયેલ કાર્યવાહીથી રેતી ખનીજ ચોરી કરતાં અસામાજીકતત્‍વોમાં ફફડાટ વ્‍યાપી ગયેલ છે.