Main Menu

ચલાલા પાલિકાનાં શાસકોએ સ્‍વચ્‍છતા અભિયાન શરૂ કર્યુ

ચલાલા નગરપાલિકાના સફાઈ કામદારો કોઈ પ્રકારની લેખીત મૌખીક જાણ કર્યા વગર સલામતી અને પગાર વધારાની માંગણી સબબ તા.11/4, બપોર બાદ હડતાલ પર ઉતરી જતા અને આજ તા.14/4 સુધી કામ પર નહી આવતા શહેરની સફાઈ માટે મોટી સમસ્‍યા ઉભી થયેલ છે. જયાં ત્‍યાં ગંદકીના ગંજ જામ્‍યા હતા. આ પરિસ્‍થિતીને ગંભીર ગણી નગરપાલીકાના ચિફ ભીંડી, નગરપાલીકાના પ્રમુખ હિંમતભાઈ દોંગા, ઉપપ્રમુખ અનિરૂઘ્‍ધભાઈ       વાળા, આરોગ્‍ય ચેરમેન પુનાભાઈ રબારી, સદસ્‍ય પ્રકાશભાઈ કારીયા, અને નગરપાલિકાના ભાજપની ટીમે પલનો પણ વિચાર કર્યા વગર બહારથી મજુર મંગાવી શહેરના તમામ વિસ્‍તારની સફાઈ સાથે રહી કરાવેલછે. તેમજ સફાઈ કામદારોના પ્રશ્‍નો બાબતે તેમની સાથે પણ ચર્ચા વિચારણા અને બેઠકનો દોર ચાલુ રાખેલ છે. જે વહેલી તકે સુખદ સમાધાન થઈ જશે. અને સફાઈ કામદારો વહેલી તકે કામ પર આવી જશે. તેવી આશા સેવી રહયા છે. આજથી સફાઈમાં બહારના મજુર સાથે પ્રમુખ હિંમતભાઈ દોંગા, ઉપપ્રમુખ અનિરૂઘ્‍ધભાઈ વાળા, આરોગ્‍ય ચેરમેન પુનાભાઈ રબારી, સદસ્‍ય પુનાભાઈ રબારી, યુવા ભાજપના મિતુલભાઈ ભટ્ટ, સહિત તમામ નગરપાલીકાના ભાજપના સદસ્‍યો અને શહેરીજનો સાથે પોતે કચરાના તગારા ભરી સફાઈ ઝુંબેશમાં શ્રમદાન કરતા આ કાર્યને શહેરીજનો આવકારી પ્રંશનશા કરી રહયા છે. આ સફાઈ ઝુંબેશમાં નગરપાલીકાના ઓફીસ સ્‍ટાફના  કાળુભાઈ લશ્‍કરી, ગજુભાઈ વાળા, અશોકભાઈ મુકડમ સહિતનાનો સારો એવો સહયોગ પ્રાપ્‍ત થયેલ છે.