Main Menu

બાબરા-કોટડાપીઠા માર્ગ પર કાર પલ્‍ટી જતાં વૃદ્ધ મહિલાનું મોત

શિક્ષક પરિવાર રાજકોટ જતો હોય થયો અકસ્‍માત
બાબરા-કોટડાપીઠા માર્ગ પર કાર પલ્‍ટી જતાં વૃદ્ધ મહિલાનું મોત
પુત્રની નજર સામે માતાનું મૃત્‍યુ થયું
બાબરા, તા. 1પ
બાબરામાં રહેતા શિક્ષક પરિવારને અહીં કોટડાપીઠા ગામ નજીક અકસ્‍માત નડતા પુત્રની નજર સામે માતાનું મોત નીપજયું. રાજકોટ ખાતે માતા બહેન અને ભાણેજને મુકવા જતા શિક્ષક અનિલભાઈ સરવૈયાની કાર અહીં કોટડાપીઠા ગામ નજીક પલ્‍ટી મારીને ખાળીયામાં ઉતરી જતા ગંભીર અકસ્‍માત સર્જાયો હતો. બાબરામાં રહેતા અને અહીં સરકારી પ્રાથમિક શાળામાં શિક્ષક તરીકેની ફરજ બજાવતા અનિલભાઈ રઘુપ્રસાદ સરવૈયા આજે બાબરાથી પોતાની વેગનઆર કારમાં પોતાની સરલાબેન રઘુપ્રસાદ સરવૈયા, તેમજ બેન ટીનુંબહેન અને ભાણેજને બેસાડી રાજકોટ જતા હતા. ત્‍યારે અહીં કોટડાપીઠા ગામ નજીક અચાનક સ્‍ટેરિંગ પરનો કાબુ ગુમાવતા કાર પલ્‍ટી મારી જતા ખાલીયામાં ઉતરી ગઈ હતી. અને ગંભીર અકસ્‍માત સર્જાયો હતો એ આ અકસ્‍માતમાં અનિલભાઈના માતા સરલાબેન ઉ.વ.77નું ઘટના સ્‍થળે મોત નીપજયું હતું જયારે અનિલભાઈ સહિત તેમની બહેન અને ભાણેજને માથા અને હાથ પગમાં ગંભીર ઈજા થતા પ્રથમ બાબરા અને ત્‍યારબાદ વધુ સારવાર માટે રાજકોટ ખાનગી હોસ્‍પિટલમાં સારવાર માટે ખસેડવામાંઆવેલ છે. શિક્ષક પરિવારમાં અકસ્‍માત સર્જતા બાબરા દવાખાને મોટી સંખ્‍યામાં શિક્ષકો ભેગા થયા હતા. અકસ્‍માતનો ગુનો નોંધી બાબરા પોલીસ દ્વારા વધુ તપાસ હાથ ધરવામાં આવેલ છે.